Популарни Библиски стихови од लूका 12

Сподели

ईंखातर तैयार रेवो, क्यूंकै बिं घड़ी जद थे सोच्यो कोनी ई हो'सी बिं घड़ी मिनख गो बेटो आज्यैगो।

जे थे परमेसर गै राज गी इच्छा करोगा तो ऐ सारी चिजां थानै आपी मिलज्यैगी।”

अर बानै समझायो कै अपणै आपनै बचाण खातर हर तरियां गै लोभ लाळच ऊं बच्या रेवो अर चोकस रेवो क्यूंकै मिनख गो जीवन बिंगै धन गो गुलाम कोनी होवै।

क्यूंकै जठै थारो धन होवैगो बठै थारो मन बी लाग्यो रेवैगो।”

थारै में हिस्यो कुण है झिको चिंता कर'गे आपगी उंमर नै एक घड़ी भदा सकै?

फेर आपगै चेला नै केयो, “थे प्राणां गी चिंता ना करे करो कै, के खावांगा अर ना सरीर गी चिंता करे करो कै के पेरां'गा?

देखो, थारै सिर गा बाळ तांई गिणेड़ा है ईंखातर डरो ना, परमेसर गै खातर थे चिड़ियां गी डार ऊं बी जादा किमती हो।

ईंखातर हे मेरा प्यारा चेलो, “थे घबराओ ना, क्यूंकै थानै सुरग गै राज गै प्रजा गो हक देणै में पिता परमेसर नै भोत आनंद होवै।

फेर केयो, “आं चीड़ी, कागलां नै देखो, ऐ ना तो बीजण जावै अर ना'ई बाडण जावै अर ना आं खातर कोई बखारियां भरेड़ी है फेर ई परमेसर आंगो पेट भरै अर संभाळै है। परमेसर गै खातर थारो मोल आं पंछियां ऊं भोत जादा है।

अर थे आं बातां गै लारै ना लाग्या रेवो कै म्हे के खावांगा अर के पिवांगा अर ना'ई कोई बेम करो।

ईंखातर मैदान गी घास नै झिकी आज है काल आग में बाळीज्यैगी परमेसर बिनै ई इती सुणी बणावै है तो, हे कचा बिस्वासियो, बो थानै क्यूं कोनी पिरावैगो, जरूर पिरावैगो।

बो टेम आ'ग्यो कै सारी बातां लोगां गै सांमणै परगट हो'सी अर झिको कीं लुकेड़ो है बो लोगां नै बताईजैगो।