Популарни Библиски стихови од Yohana 19

Сподели

Lang Yesu sonzǝ mur anap nì ka, na ama, “Malǝna!” Pǝlǝa dili muri sǝ pa yilǝmi.

Yesu sǝlǝna ama ado ka agir mǝnana kat Ɓakuli turi ɓǝ̀ yi pea ka, malǝna pea, sǝ ace mǝnana ɓǝ̀ cau mala Malǝmce mala Ɓakuli ɓǝ̀ lumsǝ ka, bangŋa ama, “Ən nggǝ ok mǝsamur.”

Yesu sǝn ngge andǝ ɓe lagga male mǝnana earkiyi ace raka aban came abanì; pǝlǝa banggi ngge ama, “Nnâ, munio nia ka.” Sǝ ne mǝnia yì lagga male ka ama, “We ka, nggo nia ka.” Twal a pwari mǝno ka, mǝnia yì lagga mala Yesu ka, um nǝ nggea Yesu a ɓala male.

Lang à yiu aban Yesu ka, à sǝni ka Yesu angŋa dǝmbǝa wuna, sǝ à ɗeki, a ɓunggi akusǝi ɗang. Sǝa ma, mwashat aɓalǝ amǝnia yì asoje ka, zuɓi Yesu a nkanggari nǝ kaɗa, kara nkila andǝ mur puro aban sukkio.

Mǝnia yì gir ka pa anggo ace mǝnana ɓǝ̀ lumsǝ cau mala Ɓakuli mǝnana à gilǝì aɓa Malǝmce ama, “À pà nǝ̀ ɓun mu kǝ bare ɗang.” Sǝ ɓe ban ɗǝm aɓa Malǝmce mala Ɓakuli bangŋa ama, “Aɓwana nǝ̀ sǝn ɓwa mǝnana à zuɓi nǝ kaɗa ka.”

À tsǝki wi nggun-gangndi mǝnana à nǝ̀ ká gballì amuri ka, a meali, sǝ pur aban ká aban mǝnana à kǝ tunǝi ama “Ban kpouloɓamuru” ka. Nǝ kun Ibǝru ka, à tunǝ banì ama, “Golgota.”

Asoje marǝki zwe kǝla mbulan-murǝm sǝ à oasǝi Yesu a ɓamuri. À turi wi daura ulang mala amurǝma a rǝì