Популарни Библиски стихови од Yohana 15

Сподели

Mǝ nda nggun-anap, sǝ wu nda ka bu-nggun. Ɓǝ̀ ɓwa do a ɓalǝam, sǝ ǝn do a ɓālǝi ka, nǝ̀ pusǝ ɓǝle kpǝm. Ɓǝ̀ nǝ́ mim raka pà wù nǝ̀ gandǝ pak ɓe kǝgir ɗang.

Wu do a ɓalǝam sǝ mim ngga mǝ nǝ do aɓalǝ wun. Kǝla mǝnana bu-nggun anap pà nǝ̀ gandǝ pa ɓǝle nǝmurǝì raka, she ɓǝ̀ dumǝna aɓa nggea ngguni ka, anggo gbal sǝ wun ngga pà wù nǝ̀ gandǝ pa ɓǝla wun ɗang, she ɓǝ̀ wu dumǝna a ɓalǝam ngga.

Sǝ ɓǝ̀ wu do a ɓalǝam, sǝ cau mem do aɓalǝ wun ngga, wu zǝmbǝi Ɓakuli gir mǝnana kat wu earkiyice ka, sǝ nǝ̀ pa wun gir nî.

Wun nǝ̀ taram ɗang, mǝ nǝ̀ tár wun, sǝ ǝn pa wun turo nǝma wu kya pâ ɓǝla wun, ulang ɓǝle mǝnana pà nǝ̀ kiɗiki raka. Anggo ka sǝ Tárram nǝ̀ pa wun gir mǝnana kat wu zǝmbǝi wi aɓa lullǝam ngga.

Earcearǝu mǝgule kat mǝnana ɓwa nǝ̀ lǝmndǝì agyajam male ka, nda mǝnana ɓǝ̀ pà yilǝmi acea ka.

Ko ya bu-nggun a ɓalǝam mǝnana kǝ pa ɓǝle raka, kǝ kasǝi kǝ turi a nzali, sǝ abu-nggun mǝnana à kǝ pa ɓǝlea ka, kǝ gilǝkicea ace mǝnana ɓǝa ɓoaro ɓǝa pa ɓǝlea kpǝm ngga.

Mǝnia ka nda nzongcau mem: Wu earce rǝarǝ wun kǝla mǝnana ǝn earce wun ngga.

Ɓǝ̀ wu pusǝ aɓǝla wun kpǝm ngga, nda lǝmndǝ ama wu ndaka laggana mem ngga. Sǝ mǝno gbal ka nda nǝ̀ yinì Tárram nǝ́ gulo ka.

Mǝ nda nggun anap mǝ'mǝsǝcau nì, sǝ Tárram nda mǝtsǝkkir ɓaban.

Ɓǝ̀ ko ya ɓwa na sǝ do a ɓalǝam raka, nda kǝla bu-nggun mǝnana à turi sǝ im ngga; a'ulang abu-nggun mǝno ka aɓwana kǝ ramnggia, à nǝ̀ soea aɓa bǝsa à nǝ̀ pisǝia.

Ən bangga wun agir mǝnia ka, ace mǝnana ɓǝ̀ bumpwasǝa mem do aɓalǝ wun, sǝ ɗǝm ngga, ɓǝ̀ bumpwasǝa ma'wun ɓǝ̀ lumsǝo.

Ɓǝ̀ wu kpata anzongcau mem ngga, wu nǝ̀ do aɓa earcearǝu mem, kǝla mǝnana ǝn kpata anzongcau mala Tárram sǝ ǝn do aɓa earcearǝu male ka.

Mǝnia ka nda nzongcau mǝnana ǝn pa wun ngga: Wu earce rǝarǝ wun.

Ɓǝ̀ wu ndaka mala ɓanza ka, ɓanza nǝ̀ earce wun kǝla amale. Sǝ ado ka wu ndaka mala ɓanza ɗang. Acemǝnana ǝn tarki wun ɓǝ̀ wu puri ɓa ɓanza ka, nda tsǝa sǝ ɓanza kǝ ɓinǝmǝsǝ wun ngga.