Популарни Библиски стихови од Матеј 28

Сподели

Одете и научете ги сите народи, крштевајќи ги во името на Отецот, и Синот, и Светиот Дух, и, учејќи ги да пазат сѐ што сум ви заповедал; и ете, Јас сум со вас преку сите дни, до крајот на светот. – Амин! Крај на Велика Сабота и на првото воскресно евангелие.

А Исус, кога се приближи, им проговори, велејќи: – Ми се даде секаква власт на небото и на земјата.

Ангелот се заврте кон жените и им рече: – Не плашете се; знам дека Го барате Исуса Распнатиот; не е овде, воскресна, како што беше рекол. Дојдете и видете го местото, каде што лежел Господ

тогаш Исус им рече: – Не плашете се; одете и соопштете им на браќата Мои, да отидат во Галилеја, и таму ќе Ме видат.

И тие, кога се собраа со старешините и направија совет, им дадоа многу пари на војниците, велејќи: – кажете дека учениците Негови дојдоа и Го украдоа, кога ние спиевме; и, ако за тоа чуе управникот, ние ќе го смириме и ќе направиме и вам ништо да не ви се случи. А тие ги зедоа парите и направија, како што беа подучени. И тој глас се пренесува меѓу Јудејците и до ден-денеска.