Популарни Библиски стихови од Mâki 6

Сподели

Kpɔŋ támaa è ŋ̀á tɛ̀ ma ƃɛ́i Zîsɛ è kɛ̀ naai. Pere fé kɛ́ ní kpîŋ naa a gɛ́ɛ dí dílaa míi. Nya ƃe è mò dîa, ǹyɛɛi, “Kwaa lí kútee-tee kwaa ma, ka káfii tɔ́ɔ a guro.”

Nya ƃe Zîsɛ è mò dîa ǹyɛɛi, “Ƃâa káa Ɣâla ŋɔlóno kɛ́-ƃela dîa kwaa kélee ma. Kɛ́lɛ, dílɔii su fêi, dípɔ-bɔrɔŋ kpaa máŋ dínûai sáma.”

Zîsɛ pîlaŋɔɔ zîŋ mai, è kpɔŋ kɛ́tɛ kàa dímalôŋ é gɛ́, kpɛ́ni fêi, dí kɛ̀ yɛ̂ɛ ƃála-ŋa nyii dímɛi káa-nuu fé mai. Nya ƃe è mɛni támaa lɛ̀ dîa.

Vé pɔ̂ri ní kɛ̀ ma é mɛni kpaya-kpaya kɛ̂ naa. È ǹyée pɛ̀lɛ nɔ́ kɛ̀ kɔlɔ-fela-ƃela tɛi-tɛi dîa, díƃalo. Ǹíi è tòo pôlu kpɔ́ a ŋ̀ánaa, kpɛ́ni fêi, laa-la fé kɛ́ ní kɛ̀ ǹûai yêei a dɔnɔ kpîŋ.

È gbólo kpâla lɔ́ɔlui sìɣe da ǹyɛ̃ɛ kpua feerɛi, é ŋ̀ɛi té ŋ̀elei su, é lûwa láa ma. È gbólo kpâlai su ɣàle é dɛɛ ŋɔpôlu-ƃelai pɔ́, a gɛ́ɛ dí dɛɛ ǹûai pɔ́ dí m̀ii. È nyɛ̃ɛ kpua feerɛi ŋá kɔ̀lɛ díkelee dîa. Díkelee dí da mìi dí péla. Gbólo pɛnɛi da nyɛ̃ɛ kpua-kpuai dí ŋ̀á tɛ̀ ma, é kpɔ̂lɔ puu kao feerɛ láa fɛ́ɛ.