Популарни Библиски стихови од Matuyuu 28

Сподели

Kawaajoŋ oŋo mono gomaŋ so kema ejemba tuuŋ kuuya kokaeŋ iŋijoŋ oŋoŋgi noo gowokouruna koloowu: Ii mono Maŋ, Mera ano Uŋa Toroya nonoo qanoŋ oomulu meŋ oŋombu ano niinoŋ qaa otaawutiwaajoŋ jeŋ kotoŋ oŋombeti, ii kuuya teŋ kombutiwaajoŋ mono kuma oŋoma laligowu. Mobu, niinoŋ mono kambaŋa kambaŋa oŋowo laligoŋ kema laligowe namowaa kambaŋanoŋ tegowaa.” Kiaŋ.

Mepeseeŋ mugi yoŋoonoŋ kaŋ kokaeŋ iŋijoro, “Siwewaa ano namowaa ku-usuŋ kuuya ii Anutunoŋ nonota noonoŋ eja.

Kaeŋ aŋgi gajobanoŋ emba woi ii qaa kokaeŋ irijoro, “Jiisas maripoonoŋ qegiti, oro iwaajoŋ moŋganjaoti, ii mojeŋ. Kawaajoŋ mono toroko mende mobao. Aŋo jerotiwaa so mono koomunoŋga waaja. Kawaajoŋ koi mende eja. Mono kaŋ duŋ eroti, ii iibao.

Mepeseeŋ muri kokaeŋ irijoro, “Toroko mende mobao. Mono kema kourunanoŋ Galili kembutiwaa qaa iŋijori iikanoŋ kema nii niibuya.” Kiaŋ.

Yoŋonoŋ ii moma Juuda yoŋoo jotamemeurugia horoŋ oŋoŋgi motooŋ ajoajoroo ama Jiisas waawaataa qaa mesaŋgowoŋatiwaa qaa areŋ mokolooŋ moneŋ somata totooŋ ii manjaqeqe eja oŋoŋgi. Ii oŋoma kokaeŋ jeŋ kotoŋ oŋoŋgi, “Oŋo mono qaa kokaeŋ jewu: Nono gomantiiŋanoŋ gaoŋ eniŋ gowokourutanoŋ oloŋ kaŋ qamoya yoŋgoro meŋ keŋgi. Qaa kaeŋ jegi qaa iikanoŋ gawanawaa gejianoŋ kemero mobaati eeŋ, lombo oŋoo qagianoŋ ubabotiwaajoŋ nononoŋ mono uuta meŋ looriŋ meŋ kamaaŋ aniŋ majakakaya qaa laligowu.” Kaeŋ jeŋ kotoŋ oŋoŋgi iikawaa so otaaŋ moneŋ meŋ kema gawoŋ qaagia otaagi. Kaeŋ aŋgi Juuda yoŋonoŋ qaa ii batugianoŋ jeŋ seigi moma laligogi kema kambaŋ kokaamba kaaŋagadeeŋ ii toroqeŋ jegi momakejoŋ. Kiaŋ.