Asa 1:12-26
Asa 1:12-26 Baiboly Protestanta Malagasy (MBP)
Ary izy ireo niverina tany Jerosalema, rehefa avy teo amin’ny tendrombohitra atao hoe Oliva, izay akaikin’i Jerosalema (araka izay mety haleha amin’ny Sabata). Ary rehefa tafiditra izy, dia niakatra ho any an-trano ambony, izay fitoerany,–dia Petera sy Jaona sy Jakoba sy Andrea, Filipo sy Tomasy, Bartolomeo sy Matio. Jakoba zanak’i Alfeo, sy Simona Zelota ary Jodasy, zanak’ i Jakoba. Ireo rehetra ireo niray saina naharitra nivavaka mbamin’ny vehivavy sy Maria, renin’i Jesosy, ary ny rahalahiny. ARY tamin’izany andro izany dia nitsangana teo afovoan’ny rahalahy Petera (tokony ho roa-polo amby zato no isan’ny olona vory teo) ka nanao hoe: Ry rahalahy, tsy maintsy notanterahina ilay tenin’ny Soratra Masina nampilazain’ny Fanahy Masina rahateo an’i Davida ny amin’i Jodasy, izay tonga mpitarika ny olona nisambotra an’i Jesosy; fa izy dia isantsika ihany ka nahazo anjara tamin’izao fanompoana izao koa. Koa izany lehilahy izany dia nahazo saha tamin’ny tambin’ny fahotany; ary potraka niankohoka izy, dia vaky ny kibony ka nipoaka sady nivaroraka avokoa ny tsinainy. Ary fantatr’izay rehetra monina eto Jerosalema izany, ka ny anaran’izany saha izany amin’ny fiteniny dia atao hoe Akeldama, izany hoe Sahan-dra. Fa voasoratra eo amin’ny Bokin’ny Salamo hoe: ,,Aoka ho lao ny fonenany, Ary aoka tsy hisy olona honina ao’’ (Sal. 69.25); ary koa: ,,Aoka ho lasan’olon-kafa ny anjara-raharahany’’ (Sal. 109.8). Koa amin’ireo lehilahy niaraka teto amintsika mandrakariva ireo, raha niditra sy nivoaka tamintsika Jesosy Tompo, hatramin’ny batisan’i Jaona ka hatramin’ny andro nampiakarana Azy niala tamintsika, dia tokony hisy anankiray ho namantsika mba ho vavolombelon’ny nitsanganany. Ary nanokana roa lahy izy, dia Josefa, atao hoe Barsabasy, izay atao hoe koa Josto, ary Matia. Dia nivavaka izy ka nanao hoe: Hianao, Tompo ô, Izay mahalala ny fon’ny olona rehetra, asehoy izay nofidinao amin’izy roa lahy ireto, mba hahazoany anjara amin’izao fanompoana sy ny mah’Apostoly izao, izay nialan’i Jodasy hankanesany any amin’ny fitoerany. Dia nanao filokana ho azy izy, ka latsaka tamin’i Matia ny filokana; ary izy no lany ho isan’ny Apostoly iraika ambin’ny folo lahy.
Asa 1:12-26 DIEM PROTESTANTA (DIEM)
Dia niverina nankany Jerosalema ny apôstôly, rehefa niala teo amin’ilay tendrombohitra atao hoe Analanôliva, tendrombohitra akaiky an’i Jerosalema tokony ho iray kilaometatra (halaviran-dalana azo aleha amin’ny sabata). Ka nony tonga tao an-tanàna izy ireo, dia niakatra tao amin’ny efitrano ambony rihana fitoerany: dia i Petera, i Jôhany, i Jakôba, i Andrea, i Filipo, i Tômà, i Bartôlômeo, i Matio, i Jakôba zanakalahin’i Halfeo, i Simôna Zelôta ary i Jodasy zanakalahin’i Jakôba. Niray fo izy rehetra sady nazoto nivavaka niaraka tamin’ny vehivavy mpino sy i Maria renin’i Jesoa mbamin’ireo rahalahin’i Jesoa. Andro vitsivitsy taorian’izany nony tafavory ny mpino miisa tokony ho 120, dia nitsangana teo afovoan’izy rehetra i Petera ka nanao hoe: –Ry havako, tsy maintsy notanterahina izay nambaran’ny Fanahy Masina mialoha ao amin’ny Soratra Masina; fa niteny tamin’ny alalan’i Davida Izy ny amin’i Jodasy izay tonga mpitarika ireo nisambotra an’i Jesoa; anisanay apôstôly ihany i Jodasy ary nandray anjara tamin’izao fanompoanay izao. Koa izany lehilahy izany dia efa nahavidy saha ho an’ny tenany tamin’ny vola azony, tambin’ny heloka vitany; potraka nihohoka izy, nipoaka ny kibony ka nivaroraka daholo ny tsinainy. Fantatry ny mponina rehetra eto Jerosalema izany, hany ka io saha io dia nantsoin-dry zareo amin’ny fiteniny hoe Hakeldamà, izany hoe Sahan-dra. Fa izao no voalazan’ny Soratra Masina ao amin’ny bokin’ny Salamo: «Aoka ho lao ny tranony, ary aoka tsy honenan’olona akory!» Ary izao koa: «Aoka ho lasan’olon-kafa ny andraikiny!» Ao ireo lehilahy mpiara-dia taminay nandritra ny andro rehetra nifaneraseran’i Jesoa Tompo taminay, hatramin’ny andro nanaovan’i Jôhany batisa an’i Jesoa ka hatramin’ny andro nanalana Azy taminay sy nampiakarana Azy any an-danitra. Koa amin’ireo no tokony hisy anankiray ho namanay mba ho vavolombelona hanambara fa nitsangana velona i Jesoa Tompo. Nisy roa lahy natokana hifidianana, dia i Jôsefa atao hoe Barsabasy, izay nampiana anarana hoe Imarina, sy i Matià. Ary niara-nivavaka izy rehetra nanao hoe: –Ianao no mahalala ny fon’ny olona tsy an-kanavaka, Tompo ô, ka asehoy izay nofidinao tamin’izy roa lahy ireto, handray ny toerana amin’izao fanompoana maha apôstôly izao, fa nilaozan’i Jodasy izany hankanesany any amin’ny toerany manokana. Dia nanaovana antsapaka izy roa lahy, ary voatendrin’ny antsapaka i Matià, ka dia izy no lany ho naman’ny apôstôly 11 lahy.
Asa 1:12-26 Malagasy Bible (MG1865)
Ary izy ireo niverina tany Jerosalema, rehefa avy teo amin'ny tendrombohitra atao hoe Oliva, izay akaikin'i Jerosalema (araka izay mety haleha amin'ny Sabata). Ary rehefa tafiditra izy, dia niakatra ho any an-trano ambony, izay fitoerany, - dia Petera sy Jaona sy Jakoba sy Andrea, Filipo sy Tomasy, Bartolomeo sy Matio, Jakoba zanak'i Alfeo, sy Simona Zelota ary Jodasy, zanak'i Jakoba. Ireo rehetra ireo niray saina naharitra nivavaka mbamin'ny vehivavy sy Maria, renin'i Jesosy, ary ny rahalahiny. Ary tamin'izany andro izany dia nitsangana teo afovoan'ny rahalahy Petera (tokony ho roa-polo amby zato no isan'ny olona vory teo) ka nanao hoe: Ry rahalahy, tsy maintsy notanterahina ilay tenin'ny Soratra Masina nampilazain'ny Fanahy Masina rahateo an'i Davida ny amin'i Jodasy, izay tonga mpitarika ny olona nisambotra an'i Jesosy; fa izy dia isantsika ihany ka nahazo anjara tamin'izao fanompoana izao koa. Koa izany lehilahy izany dia nahazo saha tamin'ny tambin'ny fahotany; ary potraka niankohoka izy, dia vaky ny kibony ka nipoaka sady nivaroraka avokoa ny tsinainy. Ary fantatr'izay rehetra monina eto Jerosalema izany, ka ny anaran'izany saha izany amin'ny fiteniny dia atao hoe Akeldama, izany hoe Sahan-drà. Fa voasoratra eo amin'ny Bokin'ny Salamo hoe: Aoka ho lao ny fonenany, Ary aoka tsy hisy olona honina ao (Sal. 69. 25); ary koa: Aoka ho lasan'olon-kafa ny anjara-raharahany (Sal. 109. 8). Koa amin'ireo lehilahy niaraka teto amintsika mandrakariva ireo, raha niditra sy nivoaka tamintsika Jesosy Tompo, hatramin'ny batisan'i Jaona ka hatramin'ny andro nampiakarana Azy niala tamintsika, dia tokony hisy anankiray ho namantsika mba ho vavolombelon'ny nitsanganany. Ary nanokana roa lahy izy, dia Josefa, atao hoe Barsabasy, izay atao hoe koa Josto, ary Matia. Dia nivavaka izy ka nanao hoe: Hianao, Tompo ô, Izay mahalala ny fon'ny olona rehetra, asehoy izay nofidinao amin'izy roa lahy ireto, mba hahazoany anjara amin'izao fanompoana sy ny mah'Apostoly izao, izay nialan'i Jodasy hankanesany any amin'ny fitoerany. Dia nanao filokana ho azy izy, ka latsaka tamin'i Matia ny filokana; ary izy no lany ho isan'ny Apostoly iraika ambin'ny folo lahy.
Asa 1:12-26 La Bible en Malgache (MRV)
Dia niverina nankany Jerosalema izy ireo rehefa avy teo amin’ny tendrombohitra atao hoe Oliva izay akaikin’i Jerosalema, halaviran-dalana azo aleha amin’ny Sabata*. Rehefa tafiditra ny tanàna izy ireo dia niakatra ho any amin’ny efitra ambony rihana izay nipetrahany; i Petera, i Jaona, i Jakoba, i Andrea, i Filipo, i Tomasy, i Bartolomeo, i Matio, i Jakoba zanak’i Alfeo, i Simona Zelota ary i Jodasy, zanak’i Jakoba no tao. Ireo rehetra ireo dia niray saina sady naharitra nivavaka niaraka tamin’ny vehivavy sy i Maria, renin’i Jesosy, ary ireo rahalahiny. Tamin’izany andro izany dia nitsangana teo afovoan’ireo rahalahy i Petera; tokony ho roapolo amby zato no isan’ny olona vory teo tamin’izay ka hoy izy: Ry rahalahy, tsy maintsy notanterahina ilay tenin’ny Soratra Masina izay nampilazain’ny Fanahy Masina mialoha an’i Davida, ny amin’i Jodasy izay tonga mpitarika ireo olona nisambotra an’i Jesosy; izy iny dia isantsika ihany ka nahazo anjara tamin’izao fanompoana izao koa. Ary izany lehilahy izany dia nahazo saha tamin’ny tambin’ny fahotany; ary potraka niankohoka izy, dia vaky ny kibony ka nipoaka sady nivaroraka avokoa ny tsinainy. Ary fantatr’izay rehetra monina eto Jerosalema izany, koa ny anaran’io saha io, amin’ny fitenin-dry zareo, dia atao hoe Akeldama, izany hoe Sahan-dra. Fa voasoratra ao amin’ny bokin’ny Salamo hoe: «Aoka ho lao ny fonenany ary aoka tsy hisy olona honina ao.» (Sal 69.25) ary koa: «Aoka ho lasan’olon-kafa ny anjara raharahany.» (Sal 109.8) Koa amin’ireo lehilahy niaraka tamintsika mandrakariva ireo, raha nifanerasera tamintsika Jesosy Tompo, nanomboka tamin’ny batisan’i Jaona ka hatramin’ny andro nampiakarana Azy niala tamintsika, dia tokony hisy iray ho namantsika mba ho vavolombelon’ny nitsanganany. Ary nanokana roa lahy izy ireo, dia i Josefa, antsoina hoe Barsabasy, izay antsoina koa hoe Josto, sy i Matia. Dia nivavaka izy hoe: Ianao, Tompo ô, izay mahalala ny fon’ny olona rehetra, asehoy izay nofidinao amin’izy roa lahy ireto, mba hahazoany anjara amin’izao fanompoana sy ny maha apostoly izao, izay nialan’i Jodasy ho any amin’ny anjara toerany. Dia nanao antsapaka ho azy izy ireo ka nianjera tamin’i Matia ny antsapaka; ary izy izany no lany ho naman’ny apostoly iraika amby folo lahy.
Asa 1:12-26 Baiboly Protestanta Malagasy (MBP)
Ary izy ireo niverina tany Jerosalema, rehefa avy teo amin’ny tendrombohitra atao hoe Oliva, izay akaikin’i Jerosalema (araka izay mety haleha amin’ny Sabata). Ary rehefa tafiditra izy, dia niakatra ho any an-trano ambony, izay fitoerany,–dia Petera sy Jaona sy Jakoba sy Andrea, Filipo sy Tomasy, Bartolomeo sy Matio. Jakoba zanak’i Alfeo, sy Simona Zelota ary Jodasy, zanak’ i Jakoba. Ireo rehetra ireo niray saina naharitra nivavaka mbamin’ny vehivavy sy Maria, renin’i Jesosy, ary ny rahalahiny. ARY tamin’izany andro izany dia nitsangana teo afovoan’ny rahalahy Petera (tokony ho roa-polo amby zato no isan’ny olona vory teo) ka nanao hoe: Ry rahalahy, tsy maintsy notanterahina ilay tenin’ny Soratra Masina nampilazain’ny Fanahy Masina rahateo an’i Davida ny amin’i Jodasy, izay tonga mpitarika ny olona nisambotra an’i Jesosy; fa izy dia isantsika ihany ka nahazo anjara tamin’izao fanompoana izao koa. Koa izany lehilahy izany dia nahazo saha tamin’ny tambin’ny fahotany; ary potraka niankohoka izy, dia vaky ny kibony ka nipoaka sady nivaroraka avokoa ny tsinainy. Ary fantatr’izay rehetra monina eto Jerosalema izany, ka ny anaran’izany saha izany amin’ny fiteniny dia atao hoe Akeldama, izany hoe Sahan-dra. Fa voasoratra eo amin’ny Bokin’ny Salamo hoe: ,,Aoka ho lao ny fonenany, Ary aoka tsy hisy olona honina ao’’ (Sal. 69.25); ary koa: ,,Aoka ho lasan’olon-kafa ny anjara-raharahany’’ (Sal. 109.8). Koa amin’ireo lehilahy niaraka teto amintsika mandrakariva ireo, raha niditra sy nivoaka tamintsika Jesosy Tompo, hatramin’ny batisan’i Jaona ka hatramin’ny andro nampiakarana Azy niala tamintsika, dia tokony hisy anankiray ho namantsika mba ho vavolombelon’ny nitsanganany. Ary nanokana roa lahy izy, dia Josefa, atao hoe Barsabasy, izay atao hoe koa Josto, ary Matia. Dia nivavaka izy ka nanao hoe: Hianao, Tompo ô, Izay mahalala ny fon’ny olona rehetra, asehoy izay nofidinao amin’izy roa lahy ireto, mba hahazoany anjara amin’izao fanompoana sy ny mah’Apostoly izao, izay nialan’i Jodasy hankanesany any amin’ny fitoerany. Dia nanao filokana ho azy izy, ka latsaka tamin’i Matia ny filokana; ary izy no lany ho isan’ny Apostoly iraika ambin’ny folo lahy.
Asa 1:12-26 DIEM PROTESTANTA (DIEM)
Dia niverina nankany Jerosalema ny apôstôly, rehefa niala teo amin’ilay tendrombohitra atao hoe Analanôliva, tendrombohitra akaiky an’i Jerosalema tokony ho iray kilaometatra (halaviran-dalana azo aleha amin’ny sabata). Ka nony tonga tao an-tanàna izy ireo, dia niakatra tao amin’ny efitrano ambony rihana fitoerany: dia i Petera, i Jôhany, i Jakôba, i Andrea, i Filipo, i Tômà, i Bartôlômeo, i Matio, i Jakôba zanakalahin’i Halfeo, i Simôna Zelôta ary i Jodasy zanakalahin’i Jakôba. Niray fo izy rehetra sady nazoto nivavaka niaraka tamin’ny vehivavy mpino sy i Maria renin’i Jesoa mbamin’ireo rahalahin’i Jesoa. Andro vitsivitsy taorian’izany nony tafavory ny mpino miisa tokony ho 120, dia nitsangana teo afovoan’izy rehetra i Petera ka nanao hoe: –Ry havako, tsy maintsy notanterahina izay nambaran’ny Fanahy Masina mialoha ao amin’ny Soratra Masina; fa niteny tamin’ny alalan’i Davida Izy ny amin’i Jodasy izay tonga mpitarika ireo nisambotra an’i Jesoa; anisanay apôstôly ihany i Jodasy ary nandray anjara tamin’izao fanompoanay izao. Koa izany lehilahy izany dia efa nahavidy saha ho an’ny tenany tamin’ny vola azony, tambin’ny heloka vitany; potraka nihohoka izy, nipoaka ny kibony ka nivaroraka daholo ny tsinainy. Fantatry ny mponina rehetra eto Jerosalema izany, hany ka io saha io dia nantsoin-dry zareo amin’ny fiteniny hoe Hakeldamà, izany hoe Sahan-dra. Fa izao no voalazan’ny Soratra Masina ao amin’ny bokin’ny Salamo: «Aoka ho lao ny tranony, ary aoka tsy honenan’olona akory!» Ary izao koa: «Aoka ho lasan’olon-kafa ny andraikiny!» Ao ireo lehilahy mpiara-dia taminay nandritra ny andro rehetra nifaneraseran’i Jesoa Tompo taminay, hatramin’ny andro nanaovan’i Jôhany batisa an’i Jesoa ka hatramin’ny andro nanalana Azy taminay sy nampiakarana Azy any an-danitra. Koa amin’ireo no tokony hisy anankiray ho namanay mba ho vavolombelona hanambara fa nitsangana velona i Jesoa Tompo. Nisy roa lahy natokana hifidianana, dia i Jôsefa atao hoe Barsabasy, izay nampiana anarana hoe Imarina, sy i Matià. Ary niara-nivavaka izy rehetra nanao hoe: –Ianao no mahalala ny fon’ny olona tsy an-kanavaka, Tompo ô, ka asehoy izay nofidinao tamin’izy roa lahy ireto, handray ny toerana amin’izao fanompoana maha apôstôly izao, fa nilaozan’i Jodasy izany hankanesany any amin’ny toerany manokana. Dia nanaovana antsapaka izy roa lahy, ary voatendrin’ny antsapaka i Matià, ka dia izy no lany ho naman’ny apôstôly 11 lahy.
Asa 1:12-26 Baiboly Katolika (MBC)
Tamin’izay izy ireo dia niverina tany Jerosalema, avy teo amin’ny tendrombohitra atao hoe Oliva, izay lalana azo aleha sabata raha eo Jerosalema. Nony tonga, dia niakatra tao amin’ilay rihana fitoerany izy ireo, dia i Piera sy i Joany, i Jakôba sy i Andre, i Filipo sy i Tomà, i Bartelemy sy i Matio, i Jakôba zanak’i Alfe sy i Simôna Zelôty, ary i Jodà rahalahin’i Jakôba. Niray saina izy rehetra, ary naharitra nivavaka niaraka tamin’ny vehivavy sasany, sy i Maria Renin’i Jesoa, ary ny rahalahiny. Tamin’izany andro izany dia nitsangana teo afovoan’ireo mpino i Piera (tokony ho roapolo amby zato ny isan’izy nivory teo) ka nanao hoe: Ry hava-malala, tsy maintsy tanteraka ilay Soratra voalazan’ny Fanahy Masina tamin’ny vavan’i Davida momba an’i Jodasy, izay nitarika ny mpisambotra an’i Jesoa; fa anisantsika ihany koa izy, sady nanana anjara tamin’izao fandraharahantsika izao. Nefa nahazo saha tamin’ny tambin’ny otany iny lehilahy iny, ary lavo nihohoka izy ka vaky ny kibony, sady niparitaka ny tsinainy. Zavatra fantatry ny mponina rehetra eto Jerosalema izany, ka io saha io dia nahazo anarana tamin’ny fiteniny hoe Haseldamà, izany hoe sahan-dra. Ary izany indrindra no voasoratra ao amin’ny bokin’ny Salamo hoe: Aoka ho lao ny fonenany, ka tsy honenan’olona akory›; ary koa: ‹Aoka ho lasan’olon-kafa ny anjara raharahany. Koa amin’ireo lehilahy niaraka tamintsika tamin’ny andro rehetra nitoeran’i Jesoa Tompo teto amintsika, hatramin’ny nanaovan’i Joany batemy Azy ka hatramin’ny andro niakarany any an-danitra, dia aoka hisy anankiray ho namantsîka mba ho vavolombelon’ny nitsanganany ho velona. Dia nanokana roa lahy tamin’izy ireo izy, dia i Josefa atao hoe Barsabasy sy nampiana anarana hoe ilay Marina, ary i Matiasy, ka nivavaka nanao hoe: «Tompo ô, Ianao no mahalala ny fon’ny olona rehetra, ka asehoy izay voafidinao amin’izy roa lahy ireto, mba hanana anjara amin’izao fandraharahan’ny Apôstôly izao, izay nialan’i Jodasy hankanesany any amin’ny fitoerany.» Dia nanaovany loka izy roa lahy, ary i Matiasy no nahazo ny loka, ka izy no lany ho isan’ny Apôstôly roa ambin’ny folo lahy.