Zakarià 6
6
Fahitana fahavalo: ny kalesy efatra
1Mbola nanopy maso indray aho, ka indreo hitako nisy kalesy efatra nipoitra avy teo anelanelan’ny tendrombohitra varahina roa. 2Soavaly mena no tamin’ny kalesy voalohany; soavaly mainty no tamin’ny faharoa; 3soavaly fotsy no tamin’ny fahatelo; ary soavaly sadamena no tamin’ny kalesy fahefatra. 4Dia nanontaniako ilay anjely niresaka tamiko hoe:
–Inona moa no dikan’ireo kalesy ireo, tompoko?
5Dia hoy izy namaly ahy:
–Ireo kalesy efatra ireo dia hiroso ho any amin’ny vazan-tany efatra rehefa avy niseho teo anatrehan’ilay Tompon’ny tany tontolo.
6Niroso nankamin’ny faritany avaratra ny kalesy tarihin’ireo soavaly mainty; niroso nankamin’ny faritany andrefana ireo soavaly fotsy#6.6 ny faritany avaratra: jereo 2.10 sy nta. Ireo Israelita voasesitany tany Babilôna any Mezôpôtamia no mety ho tian’izany fomba teny izany holazaina (jereo and 8 sy nta). –niroso... andrefana ireo soavaly fotsy: dkt hafa manaraka kosa. ary niroso nankamin’ny faritany atsimo ireo soavaly sada. 7Ireo soavaly manja#6.7 Azo eritreretina fa ireto soavaly manja ireto no misolo ireo soavaly mena amin’ny and 2. koa niroso amin’ny lalany; fa samy maimay izy rehetra ireo handeha hitety ny tany.
Dia hoy ny TOMPO taminy:
–Mandehana mitety ny tany ianareo.
Ka dia lasa nitety ny tany ireto kalesy ireto. 8Fa niantso ahy ny Tompo ka nanao tamiko hoe:
–Jereo fa ireo niroso nankamin’ny faritany avaratra dia hampidina ny Fanahiko#6.8 Ny teny nadika hoe Fanahiko dia mety midika koa hoe fahatezerako; noho izany, na Andriamanitra amin’ny alalan’ny Fanahiny, hampirisika ireo voasesitany handefa fanomezana na hiverina hanao indray ny tempoly* (and 10,15) na koa Izy haneho ny fahatezerany amin’ny Babilônianina, dia azo andraisana ity andalana ity. amin’io faritany io.
Fampisatroham-boninahitra an’i Josoa
9Ary nisy baikon’ny TOMPO tamiko nanao hoe:
10–Raiso ny fanomezana entin’i Helday sy i Tôbià ary Jedahià, ka mankanesa izao anio izao any an-tranon’i Jôsià zanakalahin’i Tsefanià, ilay novantanin’izy telo lahy raha vao tonga avy tany Babilôna izy. 11Ary hakànao volafotsy sy volamena izany, dia hanaovanao satroboninahitra ka hapetrakao eo an-dohan’i Josoa mpisorombe zanakalahin’i Jôtsadaky; 12avy eo izy dia hitenenanao hoe:
«Izao no lazain’ny TOMPOn’izao rehetra izao:
Indro misy lehilahy atao hoe Itsimoka#6.12 Jereo 3.8 sy ny nta. Itsimoka dia enti-manondro an’i Zerobabela; ilay mpisorona ao amin’ny 6.13 kosa dia i Josoa.;
fa hitsimoham-piainana izay lalovany,
sady izy no hanorina indray ny tempoliko;
13eny, izy no hanorina indray ny tempoliko.
Ary hisalotra ny fanamiana maha mpanjaka izy,
ka eo amin’ny sezafiandrianany
no hipetrahany hanapaka ny vahoaka.
Eo ankavanan’io lehilahy io kosa
dia hisy mpisorona anankiray,
izay eo amin’ny sezafiandrianany manokana;
ka fisainana mifanaraka tsara
no hisy amin’izy roalahy ireo.»
14Ary hijanona eo amin’ny tempolin’ny TOMPO ilay satroboninahitra ho fampahatsiarovana an’i Helday#6.14 Helday: araka ny and 9; ny RM kosa dia manao hoe Helema. sy i Tôbià ary i Jedahià, ary koa ho fampahatsiarovana ny fahalalaham-pon’ilay zanakalahin’i Tsefanià.
15Hisy koa olona avy lavitra ho tonga hanampy amin’ny fanamboarana ny tempolin’ny TOMPO. Amin’izay dia hiaiky ianareo fa ny TOMPOn’izao rehetra izao no naniraka ahy ho atỳ aminareo. Ho tonga izany, raha mankatò ny TOMPO Andriamanitrareo ianareo.
Voafantina amin'izao fotoana izao:
Zakarià 6: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.