Zakarià 4
4
Fahitana fahadimy: ny fanaovan-jiro sy ny hazo ôliva
1Ary niverina ilay anjely niresaka tamiko, ka namoha ahy toy ny famoha olona matory 2sady nanontany ahy hoe:
–Inona no hitanao?
Dia hoy aho namaly:
–Fitoeran-jiro volamena misy fitahirizan-diloilo eo an-tampony no hitako. Fanaovan-jiro fito no eo amin’izany fitoeran-jiro izany; ary lahin-jiro fito kosa no eo amin’ny fanaovan-jiro tsirairay avy. 3Misy hazo ôliva roa eo anilan’ilay fitahirizan-diloilo, ka ny anankiray eo an-kavanany, ary ny anankiray eo an-kaviany.
4Tamin’izay ilay anjely niresaka tamiko dia nanontaniako hoe:
–Inona moa no dikan’ireo, Tompoko?
5Ka hoy izy tamiko:
–Tsy fantatrao va ny dikan’ireo?
Fa novaliako hoe:
–Tsia, Tompoko.
6aDia nohazavainy tamiko àry#4.6 Ny and 6b-10a, momba an’i Zerobabela, dia manapaka ny valinteny lazaina ao amin’ny and 6a. Nafindra aorian’ny and 14 izany. 10bfa ireo jiro fito ireo no mason’ny TOMPO izay mahita ny zavatra rehetra ambonin’ny tany.
11Dia nanontaniako indray izy hoe:
–Inona moa ireo hazo ôliva roa eo an-kavanana sy eo an-kavian’ny fitoeran-jiro ireo?
12Ary mbola nanontaniako fanindroany izy hoe:
–Inona koa ireo sampan’ôliva roa izay mandraraka diloilo volamena ireo amin’ny alalan’ny fantsona volamena anankiroa?
13Ka hoy izy tamiko:
–Tsy fantatrao koa va ny dikan’ireo?
Fa novaliako hoe:
–Tsia, Tompoko.
14Dia nohazavainy tamiko àry fa ireo zavatra ireo dia manambara ny olona roa voahosotra tamin’ny diloilo mba hanompo ilay Tompon’ny tany tontolo#4.14 olona roa izay voahosotr’Andriamanitra: dia i Josoa mpisorombe sy i Zerobabela governora (jereo and 6b sy nta)..
Toky nomen’Andriamanitra an’i Zerobabela
6bAry niteny tamiko ilay anjely mba hampita izao hafatry ny TOMPO ny amin’i Zerobabela#4.6b I Zerobabela dia taranak’i Davida tafara lavitra (jereo Hag 1.1). Araka izany dia mety ho ny mesia andrasana ihany koa (jereo nta 3.8 sy Isa 9.6; 11.1-2; Ezek 34.23, 24; 37.24). izao:
«Tsy amin’ny herin-tafika
na amin’ny fahatanjahanao
no hahatanterahanao andraikitra
fa kosa amin’ny Fanahiko,
hoy Izaho TOMPOn’izao rehetra izao.»
7Sady niteny koa ny Tompo hoe:
«Sakana va io tendrombohitra lehibe io?
Holemahin’i Zerobabela izy#4.7 Eto ny mpaminany dia toa mahatsiaro ny antontan-korontana izay niavosa teo amin’ny toeran’ny tempoly* hatramin’izay naharava azy izay. Nokarakarain’i Zerobabela ny fanesorana ireo korontana ireo hisehoan’ny fanambanin’ny tempoly mba hahazoana manorina indray eo amin’ilay fototra taloha..
Hoesoriny avy ao ny vato
izay hatao tendron’ny tempoly
ka hantsoantsoin’ny olona hoe:
‹Mahafinaritra, mahafinaritra!› »
8Ary nisy tenin’ny TOMPO tamiko indray nanao hoe:
9«Ny tanan’i Zerobabela no nametraka
ny fanorenan’ity tempoly ity,
ary ny tanany koa no hamita azy.»
Amin’izay dia hiaiky ianareo fa ny TOMPOn’izao rehetra izao no naniraka ahy ho atỳ aminareo.
10aMisy olona manamavo ny andro
anaovana asa madinika fanombohana.
Kanefa aoka hifaly kosa ireo,
raha mahita an’i Zerôbabela
mampiasa pilao eny an-tanany.
Voafantina amin'izao fotoana izao:
Zakarià 4: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.