Salamo 47
47
SALAMO Hobio ny Tompo, ilay Mpanjaka lehibe
1 Tao amin’ny tahirin-kiran’ny filohan’antoko-mpihira. Salamo nataon’ireo terak’i Kôra#47.1 Jereo Sal 42.1 sy nta..
2Ry vahoaka rehetra, mitehafa tanana
sy manaova hobim-pifaliana ho an’Andriamanitra;
3fa ny TOMPO no avo indrindra ka mahatahotra,
Mpanjaka lehibe amin’ny tany tontolo Izy.
4Vahoaka maro no reseny hofehezinay,
firenen-tsamy hafa no ataony manaiky anay.
5Nofidiny ny zaratany holovanay
ka izany no ireharehanay,
satria izahay taranak’i Jakôba
dia vahoaka tiany tokoa.
Fiatoana
6Arahina hoby Andriamanitra no miakatra ao Tsiôna#47.6 Jereo Sal 24.7-10; 132.8..
Ombàn’ny feon’anjomara no tonga ao Izy TOMPO.
7Ankalazao Andriamanitra, ankalazao amin-tsalamo!
Ankalazao ny Mpanjakantsika, ankalazao amin-tsalamo!
8Fa Mpanjakan’ny tany tontolo Andriamanitra,
koa ankalazao amin-kira faran’izay mirindra.
9Andriamanitra manjaka amin’ny firenen-drehetra
sy mitoetra amin’ny sezafiandrianany manokana.
10Ireo mpanapaka ny firenen-kafa dia nikambana
ho mpomba an’ilay Andriamanitr’i Abrahama;
ka voasandratra ambony dia ambony Andriamanitra
noho Izy mifehy ireo andriambaventin’ny tany!
Voafantina amin'izao fotoana izao:
Salamo 47: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.