Salamo 28
28
SALAMO Vavaka manoloana ny loza mitatao
1 Nataon’i Davida.
TOMPO ô, miantso vonjy aminao aho.
Ianao no Vatolampy fialofako
ka aza manentsin-tadîny amiko;
satria raha anginanao tsy valiana aho,
dia ho tahaka an’ireo olona afaka aina
izay efa midina mankany am-pasana.
2Koa henoy àry izany fitalahoako,
rehefa miantso vonjy aminao aho
ka manandra-tanana#28.2 manandra-tanana: Hez 9.5; Ne 9.6; jereo Sal 63.5; 134,2; 1 Mp 8.22; Is 1.15; 1Tim 2.8 sns. hivavaka
mitodika amin’ny Toeramasinao.
3Aoka aho tsy hailikao tahaka ny olon-dratsy,
dia ireo olona efa zatra manao heloka;
fihavanana no resahiny amin’ny namany,
kanjo fandozàna no mameno ny fony.
4Valio araka ny asany tokoa ireny
sy araka ny haratsian’izay nataony;
eny, valio araka izay zava-bitany izy
ka ny nataony no atsingereno aminy#28.4 Jereo Apôk 22.12..
5Tsy nahoany ny asan’ny TOMPO
mbamin’izay zavatra vitany.
Koa horavan’ny Tompo anie ireo
ary tsy havelany hijoro intsony!
6Hisaorana anie ny TOMPO
fa nohenoiny ny fitalahoako!
7Miaro ahy IZY satria ampingako,
ary nitokian’ny foko tokoa;
voavonjy aho ka mientan-karavoana,
ary dia mihira fiderana Azy.
8Ny TOMPO no miaro ny vahoakany;
Izy koa no manda famonjena
ho an’ilay mpanjaka nohosorany.
9Tompo ô, mba vonjeo sy tahio
ity vahoakanao sady lovanao;
ka meteza re Ianao ho mpiandry azy
sy ho mpitandrina azy mandrakizay.
Voafantina amin'izao fotoana izao:
Salamo 28: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.