Salamo 132
132
SALAMO I Tsiôna fonenan’ny Tompo sy tanànan’i Davida
1 Hira fiakarana.
TOMPO ô, ny zavatra rehetra niaretan’i Davida
dia mba tsarovy hanasoavanao azy.
2Tsarovy fa taminao, TOMPO ô,
no nanaovany fianianana;
taminao, ry ilay Maherin’i Jakôba,
no nanaovany voady hoe:
3«Tsy hiditra ny tranolay fonenako aho
na hiakatra ny farafara fandriako,
4tsy hamela ny masoko hatory aho
na ny hodi-masoko ho rendremana,
5mandra-pahitako toerana ho an’ny TOMPO,
dia fonenana ho an’ilay Maherin’i Jakôba.»
6Indro henonay hoe any Efratà#132.6a Efratà: tanàna niorina teo akaikin’i Betela, tao anatin’ny faritanin’ny foko Efraîma; tsy tokony hampifangaroina amin’i Efratà-Betlehema. ny Vatamasina#132.6b ny vatamasina: jereo Eks 25.10-22. Noheverina ho toy ny sezafiandrianan’ny Tompo izany na ho toy ny fitoeran-tongony (and 7): jereo Nom 10.33-36; 1 Sam 4.3-8; Sal 99.5.;
ary hitanay tao amin’ny sahan’i Jahara#132.6d Jahara: toa fanafohezana ny hoe Kiriata-Jeharîma, izay tanàna 12 km teo andrefan’i Jerosalema. Momba ny fifindrafindran-toeran’ny Vatamasina, dia jereo 1 Sam 5.1-7; 2 Sam 6.1-19..
7«Koa ndeha isika ho any amin’ny fonenan’ny Tompo
sy hiankohoka eo anoloan’ny fitoeran-tongony#132.7 Jereo Sal 99.5 sy nta.!
8Avia, TOMPO ô, ho amin’ny toeram-pitsaharanao,
dia Ianao sy ilay Vatamasina maneho ny herinao.
9Aoka ny mpisorona hitafy fahamarinana,
ny mpivavaka aminao hihoby an-kafaliana!
10Noho ny amin’i Davida mpanomponao,
dia aza lavina ity mpanjaka voahosotrao#132.10 And 8-10: ampit 2 Tan 6.41-42..»
11Ny TOMPO efa nanao fianianana tamin’i Davida
ka tsy hivadika amin’ny marina voalazany hoe:
«Iray amin’ireo zanakalahinao no hataoko mpanjaka
handimby anao amin’ny sezafiandriananao.
12Raha ny zanakao mitandrina ny fanekempihavanako
mbamin’ny fepetra izay hampitaiko aminy,
dia zanany lahy hatrany hatrany koa
no hipetraka eo amin’ny sezafiandriananao#132.12 Jereo 2 Sam 7.12-16; 1 Tan 17.11-14; Sal 89.4-5; Asa 2.30..»
13Ny TOMPO efa nifidy an’i Tsiôna,
izay tiany hatao fonenana.
14«Intỳ, hoy Izy, no toeram-pitsaharako hatrany.
Eto no honenako! Eny, eto no tiako!
15Hotahîko tokoa i Tsiôna, homeko ny sakafo hivelomany;
hataoko voky hanina ireo mahantra ao aminy.
16Ny mpisorony hotafîko famonjena,
ny mpivavaka hanao hobin-kafaliana.
17Ao no hataoko mpanjaka mahery
ny solofo iray avy amin’i Davida;
ary ho toy ny fanilo maharitra
izany mpanjaka voahosotro izany#132.17 Jereo 1 Mp 11.36..
18Ny fahavalony hotafîko henatra,
fa fehiloha manjelatra kosa no eo aminy.»
Voafantina amin'izao fotoana izao:
Salamo 132: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.