Levitîka 22
22
d. Ny amin’ny fihinanana ireo fanatitra
natao tamin’Andriamanitra
1Dia niteny tamin’i Mosesy ny TOMPO nanao hoe:
2«Lazao amin’i Aharôna sy ny zanany fa misy anton-javatra tsy maintsy hifadiany ny zava-masina atokan’ny Israelita ho Ahy, mba tsy hanalany baràka ny anarako masina. Izaho no TOMPO. 3Ka lazao azy mianakavy hoe:
«Hatrany hatrany, izay lehilahy rehetra anisan’ny taranakareo, ka mbola manam-pahalotoana izy no manatona ny zava-masina atokan’ny Israelita ho AHY, dia hoesorina tsy hanompo eo anatrehako intsony. Izaho no TOMPO. 4Ny mpisorona, voan’ny aretin-koditra na marary mitsika eo amin’ny taovam-pilahiana, dia tsy mahazo mihinana amin’ny zava-masina mandra-pahadiony. Toy izany koa ny mpisorona izay nahakasika olona voaloto tamim-paty, na izay nandeha tsirinaina tsy nahy, 5na izay nahakasika biby mahaloto na olona mahaloto na inona na inona fahalotoany; 6ny mpisorona, izay nahakasika olona na zavatra mahaloto azy dia haloto mandra-paharivan’ny andro ka tsy hahazo mihinana amin’ny zava-masina, raha tsy efa nandro. 7Ary rehefa milentika ny masoandro, dia hadio ilay mpisorona; ka izay izy vao mahazo mihinana amin’ny zava-masina, satria izany no fihinany. 8Tsy hohanin’ny mpisorona koa ny henam-biby maty ho azy na voaviraviram-bibidia, mba tsy hahatonga azy ho voaloto. Izaho no TOMPO.
9«Aoka ny mpisorona hitandrina izay fepetra nasaiko tandremany, fandrao hitambesaran-keloka ny amin’izany fanimbazimbana zava-masina izany izy ka ho faty. Izaho no TOMPO, Izay efa nanokana ny mpisorona hanompo Ahy.
10«Aza avela hihinana zava-masina ny Israelita tsy anisan’ny fianakavia-mpisorona; na izay sendra mivahiny ao amin’ny mpisorona, na izay mpikarama, dia samy tsy mahazo mihinana zava-masina. 11Fa raha misy mpanompo novidin’ny mpisorona, dia hahazo mihinana amin’izany ihany izy; toy izany koa, ny mpanompo izay teraka tao an-tranon’ny mpisorona, dia mahazo mihinana izay fihinany. 12Raha misy zanakavavin’ny mpisorona manambady lehilahy israelita tsy anisan’ny fianakavia-mpisorona, dia tsy mahazo mihinana ny navahana tamin’ny zava-masina izy. 13Fa raha maty vady na nariam-bady na tsy nanan-janaka ilay zanakavavin’ny mpisorona ka mody ao an-tranon-dray toy ny fony izy mbola kely, dia mahazo mihinana izay fihinan-drainy. Ankoatra ireo, ny Israelita tsy anisan’ny fianakavia-mpisorona dia aoka tsy hisy hihinana zava-masina.
14«Raha misy Israelita tsy anisan’ny fianakavia-mpisorona ka nahahinana tsy nahy tamin’ny zava-masina, dia honerany amin’ny mpisorona izay laniny ka hotongavany ny ampahadiminy.
15«Aoka tsy hisy mpisorona hampanimbazimba ny zava-masina izay natokan’ny Israelita ho Ahy TOMPO; 16raha avelany hihinana izany ny Israelita tsy anisan’ny fianakavia-mpisorona, dia manjary itambesaran-keloka sy manonitra#22.16 Aoka...manonitra: dkt hafa Aoka tsy hisy mpisorona hanimbazimba ny zava-masina izay natokan’ny Israelita ho an’ny Tompo; raha mihinana izany ny mpisorona, dia ny Israelita no manjary itambesaran-keloka sy manonitra. . Fa Izaho no TOMPO Izay efa nanokana ireny zava-masina ireny.»
Fepetra hifidianana ny biby hatao sorona
17Dia niteny tamin’i Mosesy ny TOMPO 18mba hamepetra an’i Aharôna sy ny zanany mbamin’ny Israelita hoe:
«Na iza na iza, Israelita na vahiny valovotaka eo aminy, te hanatitra zavatra amiko TOMPO ho sorona dorana manontolo mba ho fanalàm-boady na ho fanomezana an-tsitrapo, dia izao no hataony: 19lahy tsy misy kilema amin’ny omby na ondry na osy no aoka hateriny mba hahazoany sitraka. 20Izay biby rehetra misy kilema dia tsy azonareo aterina, satria tsy hahazoanareo sitraka amiko izany#22.20 And 18-20: jereo 1.3; Deot 17.1.. 21Raha misy olona manatitra omby na ondry na osy amiko TOMPO ho sorom-pihavanana mba ho fanalàm-boady na ho fanomezana an-tsitrapo, dia biby tsy misy kilema na kely akory aza no aoka hateriny mba hahazoany sitraka. 22Fa izay biby jamba, na mandringa, na kilemaina na ferena, na hatenina#22.22 hatenina na hoe mivoaka nana. , na kongonina, dia tsy haterinareo ho AHY na hataonareo sorona levonina amin’ny afo ao ambonin’ny alitara ho AHY. 23Raha omby na ondry na osy no misy sampona, dia azo aterina ihany ho fanomezana an-tsitrapo; fa raha fanalàm-boady dia tsy hahazoana sitraka izany. 24Izay voaporitra na voatoro vihindahy ary koa voaombotra na voadidy vihindahy amin’ireo biby ireo, dia tsy azonareo aterina ho AHY; ary aza manao famosiram-biby ianareo, rehefa mby eo amin’ny taninareo. 25Raha misy biby vositra entin’olona hafa firenena, dia tsy azonareo aterina ho sakafo aroso ho Ahy Andriamanitrareo ireny; satria noho izy novosirina, dia misy kilema ka tsy hahazoanareo sitraka.»
26Dia niteny tamin’i Mosesy ny TOMPO nanao hoe:
27«Raha misy omby na ondry na osy vao teraka, dia hitoetra amin-dreniny mandritra ny fito andro izy; fa manomboka amin’ny andro fahavalo no ho miakatra, dia hahazoana sitraka izy raha atao sorona levonina amin’ny afo ho AHY. 28Kanefa ny ombivavy na ny ondrivavy na ny osivavy, dia aoka tsy hovonoinareo indray andro izy sy ny zanany#22.28 Ireo fombafomba voarara, eto amin’ny and 27-28, dia angamba fanao mahazatra teo amin’ny fivavahan’ireo Kanahanita..
29«Raha manolotra sorom-pisaorana amiko TOMPO ianareo, dia araka izay hahazoanareo sitraka no anolory azy. 30Iny andro anolorana azy iny ihany no hihinanana azy, fa aza amelana ho tra-maraina. Izaho no TOMPO.
31«Imasoy hotanterahina ny didiko. Izaho no TOMPO. 32Aza manala baràka ny anarako masina, mba hanajana Ahy ho masina eo amin’ny Israelita. Izaho no TOMPO, Izay manokana anareo ho vahoakako. 33Izaho no namoaka anareo hiala tany Ejipta. Izaho no TOMPO.»
Voafantina amin'izao fotoana izao:
Levitîka 22: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.