Josoa 19
19
Ny zaratanin’i Simehôna
1Ny anjara navoakan’ny antsapaka faharoa dia azon’ny foko simehônita ho an’ireo tarika ao anatiny. Ny zarataniny dia tao anivon’ny an’ireo taranak’i Joda. 2Anisan’izany i Beera-Seba, i Seba, i Môladà, 3i Hatsara-Sohala, i Balà, i Hetsema, 4i Eltôlada, i Betola, i Hôrmà, 5i Tsiklaga, i Bety-Markabôta, i Hatsara-Sosà, 6i Bety-Lebaôta ary i Saroheny: izany hoe tanàn-dehibe 13 samy miampy ireo tanàna kely miankina aminy. 7Tao koa i Haîna, i Rimôna, i Hetera ary i Hasàna: izany hoe tanàn-dehibe efatra miampy ireo tanàna kely miankina aminy, 8dia ireo tanàna kely rehetra hatrany Bahalato-Beera sy hatrany Ramata-Negeba. Izany no zaratany nolovan’ny foko simehônita ho an’ireo tarika ao anatiny. 9Ny zaratany azon’ny Simehônita dia nalaina tamin’ny anjaran’ireo taranak’i Joda satria nalalaka ho an’ny taranak’i Joda ny zaratany azony. Izany no nahazoan’ny taranak’i Simehôna anjara teo anivon’ny lovan’i Joda.
Ny zaratanin’i Zebolòna
10Ny anjara voatendrin’ny antsapaka fahatelo dia azon’ny Zebolonita ho an’ireo tarika ao anatiny#19.10 Ny faritanin’i Zebolòna dia teo afovoan’i Galilea ambany, teo anelanelan’ny fokon’i Naftalỳ (and 32 sy nta) sy ny fokon’i Asera (jereo and 24 sy nta).. Ny velaran’ny zarataniny dia mitatra hatrany Sarida. 11Avy eo ny sisin-taniny dia miankandrefana hatrany Marehala, ka mahazo an’i Dabeseta ary koa ny lohasahan-driaka izay eo atsinanan’i Jôknehama. 12Raha hatreo Sarida kosa no miantsinanana, ny sisin-tany dia mipaka any amin’ny faritanin’i Kislôta-Jabôra, sy mandroso hatrany Daberata ary miakatra hatrany Jafia. 13Avy eo miampita miantsinanana any Gata-Hefera sy Heta-Katsîma, dia mandroso hatrany Rimôna ary mipaka any Neha. 14Any avaratra dia mihodidina an’i Hanatôna ny sisin-tany ka miafara ao amin’ny lohasahan’i Jiftahela. 15Ny velaran-tanin’i Zebolòna dia nisy tanàn-dehibe 12 samy miampy ireo tanàna kely miankina aminy; ka anisan’ireo tanàna 12 ireo i Katata, i Nahalala, i Simrôna, i Jidalà, ary i Betlehema#19.15 I Betlehema ao amin’ny tanin’i Zebolòna dia hafa noho ilay Betleheman’i Joda voalaza ao amin’ny 1 Sam 17.12 sy Rot 1.1.. 16Ireo tanàn-dehibe rehetra ireo miampy ny tanàna kely miankina aminy no zaratanin’ny Zebolonita ho an’ireo tarika ao anatiny.
Ny zaratanin’i Jisakara
17Ny anjara navoakan’ny antsapaka fahefatra dia azon’ny taranak’i Jisakara ho an’ireo tarika ao anatiny#19.17 Ny faritanin’i Jisakara dia tao atsimon’ny farihin’i Genesareta, any andrefan’i Jôrdàna.. 18Ka ny velaran-taniny dia mahafaoka an’ireto tanàn-dehibe ireto: i Jizrehela#19.18 Ny tanàna Jizrehela no nanome anarana an’ilay lemaka mahavokatra izay mamakivaky an’i Galilea hatreo atsinanana ka hatrany andrefana (jereo 17.16)., i Kesolôta, i Sonema, 19i Hafaraîma, i Siôny, i Anaharata, 20i Rabita, i Kisiôna, i Ebetsy, 21i Remeta, i Haîna-Ganima, i Haîna-Hadà, ary i Bety-Patsetsa. 22Ny sisin-tany dia mihazo an’i Jabôra sy i Sahatsaîma ary i Bety-Semesa, ka miafara any Jôrdàna#19.22 Ny tanàna Tabôra no nanome anarana an’ilay tendrombohitra Tabôra, eo amin’ny sisin-tany mampisaraka an’i Zebolòna sy i Jisakara ary i Naftalỳ. I Bety-Semesa dia hafa noho ireo tanàna mitovy anarana aminy voalaza ao amin’ny 15.10 sy 19.38.. Ny velaran-tanin’i Jisakara dia nisy tanàn-dehibe 16 samy miampy ireo tanàna kely miankina aminy. 23Ireo tanàn-dehibe rehetra ireo miampy ny tanàna kely miankina aminy no zaratany nolovan’ny foko taranak’i Jisakara ho an’ireo tarika ao anatiny.
Ny zaratanin’i Asera
24Ny anjara navoakan’ny antsapaka fahadimy dia azon’ny foko aserita ho an’ireo tarika ao anatiny#19.24 Ny fokon’i Asera no mitoetra amin’ny morontsiraka avaratr’i Palestinina.. 25Ka ny velaran-taniny dia mahafaoka an’ireto tanàn-dehibe ireto: I Helkata, i Halỳ, i Betèna, i Aksafa, 26i Alameleka, i Hamehada ary i Misala. Ny sisin-tany, lafy andrefana dia mipaka amin’ny tendrombohitra Karmela#19.26 Ny tendrombohitra Karmela dia tandavan-tendrombohitra mandroso any amin’ny Ranomasina Mediteranea ka manjary tanjona. sy amin’ny lohasahan-driaka Sihôra-Libnata. 27Ny sisin-tany, lafy atsinanana, dia mitodika ho any Bety-Dagôna ka mifandray amin’ny tanin’i Zebolòna sy mihazo ny lohasahan’i Jiftahela ary mianavaratra mankany Bety-Hemeka sy Nohiela. Avy eo mandalo amin’ireto tanàn-dehibe ireto: dia i Kabela, i Misala#19.27 Misala araka ny 21.30; fa Mismôla araka ny TM., 28i Habdôna#19.28 Habdôna araka ny stf sasany sady mifanaraka amin’ny 21.30 sy 1 Tan 6.39 fa ny TM dia manao hoe Hebrôna. , i Rehôba, i Hamôna, ary i Kanà; ka miafara any Tsidôna, tanàna lehibe. 29Avy eo ny sisin-tany dia mihodina hatrany Ramà sy hatrany Tiro tanàna mimanda#19.29 Ny tanàna mimandan’i Tiro dia ilay nosy voahodidina manda manoloana ny tanànan’i Tiro, izay seranan-tsambo amin’ny morontsiraka fenisianina., dia mihodina ho any Hôsa ary mihatra amin’ny Ranomasina Mediteranea ka mahafaoka an’ireto tanàn-dehibe ireto: i Mehaleba, i Akziba, 30i Homà, i Afeka ary i Rehôba. Ny velaran-tanin’i Jisakara dia nisy tanàn-dehibe 22 samy miampy ny tanàna kely miankina aminy. 31Ireo tanàn-dehibe ireo miampy ny tanàna kely miankina aminy no zaratany nolovan’ny fokon’i Asera ho an’ireo tarika ao anatiny.
Ny zaratanin’i Naftalỳ
32Ny anjara navoakan’ny antsapaka fahenina dia azon’ny taranak’i Naftalỳ ho an’ireo tarika ao anatiny#19.32 Ny fokon’i Naftalỳ no mitoetra amin’ny faritany ao avaratry ny farihin’i Genesareta.. 33Ny sisin-taniny, lafy avaratra, dia miainga hatreo Helefa, hatreo amin’ilay oaka akaikin’i Tsahananima, dia mandalo an’i Adamỳ-Nekeba sy i Jabneela, ka tonga hatrany Lakôma ary miafara eo Jôrdàna. 34Eo andrefan’i Helefa kosa dia mihodina mankany Aznôta-Jabôra ilay sisin-tany ary mandroso hatrany Hakôla. Miolotra amin’ny tanin’i Zebolòna kosa ny sisin-tany, lafy atsimo; miolotra amin’ny tanin’i Asera ny sisin-tany, lafy andrefana#14.34 ary i Jôrdàna... atsinanana: araka ny dkt grika tranainy Septoazinta; fa ny TM kosa manao hoe ary miolotra amin’ny tanin’i Joda amoron’i Jôrdàna ny sisin-tany lafy atsinanana (tsy marina mihitsy raha jerena ny saritany ity fitenenana an’i Joda etoana ity).; ary i Jôrdàna no sisin-tany, lafy atsinanana. 35Ireo tanàna mimanda kosa dia i Tsidima, i Tsera, i Hamata, i Kinereta, 36i Adamà, i Ramà, i Hatsôra, 37i Kedesa, i Edrehỳ, i Haîna-Hatsôra, 38i Jirôna, i Migdaliela, i Hôrema, i Bety-Hanata ary i Bety-Semesa; izany hoe tanàn-dehibe 19 samy miampy ny tanàna kely miankina aminy. 39Ireo tanàn-dehibe ireo miampy ny tanàna kely miankina aminy no zaratany nolovan’ny foko taranak’i Naftalỳ ho an’ireo tarika ao anatiny.
Ny zaratanin’i Dana
40Ny anjara navoakan’ny antsapaka fahafito dia azon’ny foko danita ho an’ireo tarika ao anatiny#19.40 Ny fokon’i Dana tamin’ny voalohany dia nipetraka nanamorona ny Ranomasina Mediteranea teo andrefan’i Benjamîna, ao amin’ny faritanin’i Jafà.. 41Ny velaran-taniny dia mahafaoka an’ireto tanàna ireto: i Tsôrehà, i Estaôla, i Hira-Semesy, 42i Sahalabîna, i Aialôna, i Jitlà, 43i Elôna, i Timnà, i Hekrôna, 44i Eltekè, i Gibetôna, i Bahalato, 45i Jehoda, i Bene-Beràka, i Gata-Rimôna, 46ary i Rakôna; ao koa ny ranon’i Jarkôna#19.46 I Jarkôna no renirano manondraka an’i Jafà. sy ny tany manodidina an’i Jafao. 47Nony tsy voatanan’ny Danita io faritany io, dia nianavaratra ireo ka niady tamin’i Lesema. Nalainy ny tanàna ary naringany tamin’ny sabatra ny mponina tao; lasany tanteraka i Lesema ka nipetrahany. Ary i Lesema dia nantsoiny hoe Dana, araka ny anaran’i Dana razambeny#19.47 Ny fokon’i Dana dia nandao ny taniny voalohany mba hiorim-ponenana any avaratra manodidina an’i Lesema, eo akaikin’ny loharanon’i Jôrdàna.. 48Ireo tanàn-dehibe ireo samy miampy ny tanàna kely miankina aminy no zaratany nolovan’ny foko danita ho an’ireo tarika ao anatiny.
49Ary rehefa vitan’ny Israelita ny fizaràna ny tany araka ny sisin-taniny avy, dia nomeny zaratany kosa i Josoa, zanakalahin’i Nona. 50Araka ny baikon’ny TOMPO, dia nomena an’i Josoa ny tanàna izay nangatahiny, izany hoe i Timnata-Sera ao amin’ny tendrombohitr’i Efraîma. Dia namboarin’i Josoa ilay tanàna ka nonenany.
51I Elehazara mpisorona#19.51 Jereo 14.1 sy nta. sy i Josoa zanakalahin’i Nona ary ny filoham-pianakaviana israelita no nizara ireo tany lova ireo. Tao Silao no nizarany azy antsapaka teo anatrehan’ny TOMPO, dia teo am-baravaran’ny Tranolay fihaonana. Toy izany no nahavitana ny fizaràna ny tany.
Voafantina amin'izao fotoana izao:
Josoa 19: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.