2 Tantara 22
22
Ny nanjakàn’i Ahazià
(Jereo 2 Mp 8.25-29; 9.27-29)
1Ary ny mponin’i Jerosalema nampanjaka an’i Ahazià, faralahin’i Jôrama, handimby azy; fa ny zokiny rehetra efa matin’ny andian’olona mpanaraka ny Arabo hatrany an-toby avokoa#22.1 Ahazià: olona iray ihany no tondroin’ny hoe Ahazià eto sy ny hoe Jôahaza (and 21.17) etsy aloha. –Arabo: ampit 21.16-17.. Izany no nahatonga an’i Ahazià ho mpanjakan’i Joda. 2Feno 22 taona#22.2 Feno 22 taona: araka ny 2 Mp 8.26 izany; ny RM eto dia milaza hoe Feno 42 taona (kanefa araka ny 2 Tan 21.20 sy 2 Mp 8.17 dia feno efapolo taona ny rainy no maty), ary ny dkt tranainy grika dia milaza hoe Feno 20 taona. izy fony vao nanjaka; ary herintaona ihany no nanjakany tao Jerosalema. Ny anaran-dreniny dia i Hatalià, zafikelin’i Hômrỳ#22.2 Araka ny 21.6 dia zanakavavin’i Ahaba i Hatalià, ka noho izany zafikelin’i Hômrỳ. Ny voambolana hebreo bat dia mety midika hoe zanakavavy na zafikely (vavy) arakaraka ny konteksta.. 3Nanaraka ny toetran’ireo taranak’i Ahaba koa i Ahazià, satria ny reniny no nanoro hevitra azy hanao ratsy. 4Ka dia nanao izay ratsy eo imason’ny TOMPO toy ny taranak’i Ahaba izy, satria ireo no mpanolotsaina azy taorian’ny nahafatesan’i Jôrama rainy ka nampidi-doza azy. 5Ny torohevitra nomen’ireo azy tokoa no narahin’i Ahazià, ka dia niainga niaraka tamin’i Jôrama zanakalahin’i Ahaba sady mpanjakan’i Israely avaratra izy mba hiady amin’i Hazaela mpanjakan’i Siria, tao Ramôta-Gilehada. Tamin’izay ny Sirianina dia nandratra an’i Jôrama; 6ary niverina tao Jizrehela izy mba hotsaboina tamin’ny ratra nahavoa azy tany Ramôta, fony izy niady tamin’i Hazaela mpanjakan’i Siria. Dia nankany Jizrehela i Ahazià#22.6 Ahazià: izany no hita ao amin’ny stf hebreo vitsivitsy sy ireo dkt tranainy ary 2 Mp 8.29 sady hany mifanaraka amin’ny konteksta, na dia Hazarià aza no hita ao amin’ny RM., zanakalahin’i Jôrama sady mpanjakan’i Joda, mba hamangy an’i Jôrama zanakalahin’i Ahaba noho izy narary.
7Avy tamin’Andriamanitra ny loza nanjo an’i Ahazià tamin’ny nankanesany hamangy an’i Jôrama; nony tonga manko izy, dia niara-niainga tamin’i Jôrama mba hitsena an’i Jehò, zanakalahin’i Nimsỳ sady nohosoran’ny TOMPO ho mpanjaka mba handringana ny taranak’i Ahaba. 8Dia nampiharin’i Jehò tamin’ny taranak’i Ahaba ny famalian’Andriamanitra; hitany koa ireo manampahefana jodeanina sy ireo zana-drahalahin’i Ahazià izay samy nanompo an’i Ahazià, ka novonoiny ho faty. 9Nampitady an’i Ahazià izy ka tany Samaria niereny no nisy nahita azy; dia nentina ho any amin’i Jehò izy ary novonoina ho faty. Nalevina ihany anefa izy, satria hoy ny olona hoe: «Taranak’i Jôsafata, ilay nitady ny TOMPO tamin’ny fony manontolo, ity.»
Tamin’izay dia tsy mbola nisy afaka nitana fanjakana ny terak’i Ahazià.
Nandrombaka fahefana i Hatalià
(Jereo 2 Mp 11.1-3)
10Rehefa hitan’i Hatalià renin’i Ahazià fa maty ity zanany lahy, dia niroso nandringana ny zazalahy rehetra tamin’ny teraky ny andriamanjakan’i Joda izy. 11Kanefa i Jôsebà, zanakavavin’i Jôrama mpanjaka, dia naka an’i Jôasy zanakalahin’i Ahazià ka namonjy azy teo anivon’ireo rahalahiny efa novonoina; ary napetrany tao an’efitrano fandriana niaraka tamin’ny mpitaiza azy. Io Jôsebà vadin’i Jôiadà mpisorona sady zanakavavin’i Jôrama mpanjakan’i Joda io moa dia anabavin’i Ahazià; nafenin’i Jôsebà i Jôasy mba tsy ho hitan’i Hatalià, ka dia tsy mba voavono ho faty. 12Niery enin-taona tao an-tranon’Andriamanitra niaraka tamin’i Jôsebà sy ilay mpitaiza i Jôasy; ary dia i Hatalià no nanjaka teo amin’ny tany.
Voafantina amin'izao fotoana izao:
2 Tantara 22: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.