Matthew 1
1
Sivunghi Jesus Christ‑am
1Ukunguut nengllugutet, sivunghi Jesus Christ‑am. Tagikaaguq David‑em nengllugutanganeng. David Abraham‑enkuneng pinguuq.
2Abraham atakaa Isaac‑em,
Isaac atakaa Jacob‑em,
Jacob atakaat Judah‑nkut anglegutkullghiit,
3Judah atakaak Perez‑enkuk, Zerah‑nkuk (Naangak Tamar),
Perez atakaa Hezron‑em,
Hezron atakaa Ram‑em,
4Ram atakaa Amminadab‑em,
Amminadab atakaa Nahshon‑em,
Nahshon atakaa Salmon‑em,
5Salmon atakaa Boaz‑em, (Boaz‑em naakaa Rahab).
Boaz atakaa Obed‑em, (Obed‑em naakaa Ruth),
Obed atakaa Jesse‑m,
6Jesse atakaa Umiilgem David‑em.
David atakaa Solomon‑em. (Solomon‑em naakaa Uriah‑m nulighqesaqanga.)
7Solomon atakaa Rehoboam‑em,
Rehoboam atakaa Abijah‑m,
Abijah atakaa Asa‑m,
8Asa atakaa Jehoshaphat‑em,
Jehoshaphat atakaa Joram‑em,
Joram atakaa Uzziah‑m.
9Uzziah atakaa Jotham‑em,
Jotham atakaa Ahaz‑em,
Ahaz atakaa Hezekiah‑m,
10Hezekiah atakaa Manasseh‑m,
Manasseh atakaa Amos‑em,
Amos atakaa Josiah‑m.
11Josiah atakaat, Jechoniah‑nkut anglegutkullghhiit allgeqaagut tamaani Jews‑et tuguluki aglaataqngatki Babylon‑mun.
12Kingunganeng aglaatellghita Babylon‑mun,
Jechoniah atakaa Shealtiel‑em,
Shealtiel atakaa Zerubbabel‑em,
13Zerubbabel atakaa Abiud‑em,
Abiud atakaa Eliakim‑em,
Eliakim atakaa Azor‑em,
14Azor atakaa Zadok‑em,
Zadok atakaa Achim‑em,
Achim atakaa Eliud‑em,
15Eliud atakaa Eleazar‑em,
Eleazar atakaa Matthan‑em,
Matthan atakaa Jacob‑em,
16Jacob atakaa Joseph‑em.
Joseph ugiikaa Mary‑m.
Mary naakaa Jesus‑em.
Jesus Messiah‑nguuq.
17Sivunghi Jesus Christ‑am whatetut: 14‑ngukaagut kingunqullghiit Abraham‑emeng David‑mun. 14‑ngukaagutlu kingunqullghiit David‑meng kenlanga Jews‑et tuguluki aglaatellghitnun Babylon‑mun. Taagken Babylon‑mun aglaatellghitneng 14‑ngukaagutlu kingunqullghiit kenlanga Christ‑am allgellghanun.
Allgellgha Jesus Christ‑am
18Jesus Christ‑a allgeqaaguq whaten: naanga Mary aangꞌghutngwaaqaq Joseph‑mun, iwernga nengughutellghillukek Agleghnalghiim Taghnegham qumingestekaa. 19Ugikaghqaan Joseph‑em kenqigneghutmineng kayngusaakneghmeng Mary piluku, aksaqluku peggnaqegkaa. 20Sumeghtaghaatkumaluku tawaten pilleghqani, Atanghem yaqulgan aliighvikluku qavangukun pikaa, “Joseph, David‑em kingungha, alingegpenang nulighqigu Mary qayughllak Agleghnalghiim Taghnegham aqsangestekaqaa. 21Ighnengnaqnguuq; atighnaken Jesus‑meng qayughllak ellmi yuni yuguliyaghqaqii seghleghqellghitneng.”
22Qamaglluni tawaten aneghtekaaguq apeghiighnaluku Atanghem akuzitkegkaa uuknaliqistekun whaten,
23“Aghnaghaq yugem atuqellghilkanga qumingluni, ighnengellequq.
Aatqesaghqaqaa Emmanuel” whaten pisiq, “Kiyaghneq whangkunnilnguq.”
24Enkaam Joseph taghtughluni Atanghem yaqulgan pisqellghatun pikaq. Mary nulighqegkaa, 25iwernga atuqumangilkanga kenlanga ighnengellghanun. Taagken Joseph‑em Jesus‑meng atiqaa.
Voafantina amin'izao fotoana izao:
Matthew 1: ess
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2018, Wycliffe Bible Translators, Inc. All rights reserved.
