Маттэ 3
3
ЯЩЭНЭРЭШЪХЬ
УмэхъэкӀо Иуан Тхьэм игущыӀэхэр зэригъэӀущтыгъэр
(Марк 1:1-8; Лука 3:1-9, 15-17; Иуан 1:19-28)
1А мафэхэм умэхъэкӀо#3:1 умэхъыныр – «ШъуипсэкӀодшӀагъэхэм шъуафыкӀэгъожьи, зысэжъугъэумэхъ, Тхьэм ахэр къышъуфигъэгъунхэм пае» ыӀоти, умэхъэкӀо Иуан цӀыфхэр ыумэхъыщтыгъэх. Еплъ Марк 1:4. Исус уашъом зыдэкӀоежьыгъэм къыщегъэжьагъэу, цӀыфхэм зарагъэумэхъы – е псым чӀагъаох, е псы тӀэкӀу ашъхьэхэм атыраутхэ. Аущтэу ИсускӀэ шӀошъхъуныгъэ яӀэ зэрэхъугъэр къагъэлъагъо. Ащ нэмыкӀэуи Исус лӀи, лӀагъэхэм къызэрахэтэджыкӀыжьыгъэм пае, япсэкӀодшӀагъэхэр къафэгъугъэхэу, мыкӀодыжьын щыӀэныгъэ яӀэ зэрэхъугъэми шыхьат фэхъух. Иуан къэлъагъуи, Иудей хэкум ишъоф нэкӀ цӀыфхэм Тхьэм игущыӀэхэр щаригъэӀузэ, 2моущтэу къыӀощтыгъ:
– ШъуипсэкӀодшӀагъэхэм шъуафыкӀэгъожь, сыда пӀомэ, Тхьэу уашъом щыӀэм и Тетыгъошхо#3:2 Тхьэу уашъом щыӀэм и Тетыгъошхо – Тхьэм мы дунаими, мы дунаим ицӀыфхэми тетыгъошхоуи лъэкӀышхоуи афыриӀэр ары. КъэбарышӀур Тхьэм и Тетыгъошхо зытегущыӀэкӀэ, зигугъу ышӀырэр загъорэ мы уахътэм Тхьэм тетыгъошхоу иӀэр ары, загъори къэкӀощт уахътэм тетыгъошхоу иӀэщтыр ары, загъори Тхьэм дэжь мыкӀодыжьын щыӀэныгъэ щыуиӀэныр ары. къэблэгъагъэшъ ары.
3Иуан ары пегъымбар Ешайа моущтэу зыфиӀуагъэр#3:3 пегъымбар Ешайа зыфиӀуагъэр – еплъ Пегъымбар Ешайа тхылъэу ытхыгъэм 40:3. Пегъымбар Ешайа Исус къэхъуным ыпэкӀэ 759-698-рэ илъэсхэм къакӀоцӀ псэугъэ.:
«Шъоф нэкӀым джэ макъэ горэ къыщэӀу: Зиусхьаным игъогу фэжъугъэпси, игъогу лъагъохэр зэшъхьэ-зашъо фэшъушӀых».
4Иуан мэхъшэцым хэшӀыкӀыгъэу щыгъын щыгъыгъ, ыбги шъо бгырыпх илъыгъ. Гъомлапхъэу иӀагъэр мацӀэхэмрэ шъоф шъоумрэ арыгъэ. 5Джащыгъум Ерусалим дэс цӀыфхэри, Иудей хэкум зэкӀэ ис цӀыфхэри, Иордан псыхъом иӀэгъо-благъо зэкӀэ ис цӀыфхэри Иуан дэжь кӀощтыгъэх. 6ПсэкӀодэу ашӀагъэхэр Тхьэм ыпашъхьэ ралъхьэхэти, Иордан псыхъом Иуан зыщырагъэумэхъыщтыгъ.
7Зырагъэумэхъынэу фарисейхэмрэ#3:7 фарисейхэр – джуртхэм ащыщхэу диныр зылэжьырэ цӀыф купыгъ. Ахэр Тэурат хабзэм итхэмрэ ятэжъхэм къакӀэныжьыгъэ хабзэхэмрэ агу етыгъэу апылъыщтыгъэх. саддукейхэмрэ#3:7 саддукейхэр – дин пащэхэм ащыщхэу, диныр зылэжьхэу лӀагъэхэр къызэрэтэджыжьыщтхэр зышӀошъ мыхъухэрэ тхьэмэтэ купыгъ. Ахэмэ тхылъ лъапӀэхэу алъытагъэхэр Тэурат хабзэм ит тхылъитфыр ары ныӀэп. ащыщхэр бэ хъухэу ыдэжь къакӀохэу Иуан зелъэгъум, ахэмэ ариӀуагъ:
– Шъо, блэщылъфхэр!#3:7 блэщылъф – блэм къыхэкӀырэ лъфыгъэр ары. Тхьэм игубжэу къэкӀощтым шъуӀэкӀэкӀынэу хэта шъушъхьэ къизылъхьагъэр? 8ШъуипсэкӀодшӀагъэхэм шъуафыкӀэгъожьыным фэшъошэ ӀофышӀухэр жъугъэцакӀэх. 9«Ибрахьимэ тэ тят ары» шъугукӀэ шъуӀоным шъуфиткӀэ шъумыгугъ, сыда пӀомэ, сэ шъосэӀо, Тхьэм мы мыжъохэм Ибрахьимэ пае лъфыгъэхэр къахигъэхъукӀын ылъэкӀыщт. 10Обзэгъур чъыг лъапсэхэм атыраубытэгъах. Аущтэу сыдрэ чъыгэу шӀугъэ къызпымыкӀэрэр раупкӀынышъ, машӀом падзэщт.
11– ШъуипсэкӀодшӀагъэхэм шъузэрафыкӀэгъожьыгъэр къэжъугъэлъэгъонэу псымкӀэ шъусэумэхъы, ау саужкӀэ къэкӀощтым сэщ нахьи нахь лъэкӀышхо иӀ. Ащ ицуакъэхэр фэсхьынхэуи сифэшъуашэп. Ащ Тхьэм ы Псэ ЛъапӀэкӀэ ыкӀи машӀокӀэ шъуиумэхъыщт. 12Ащ ихьанцэ ыӀэ чӀэлъ, ихьамэщи ыукъэбзыжьынышъ, икоци конхэм аритэкъожьыщт, ау уарзэр мыкӀосэжьын машӀокӀэ ыгъэстыщт.
Иуан Исус зэриумэхъыгъэр
(Марк 1:9-11; Лука 3:21-22)
13Джащыгъум Исус Галилей хэкум къикӀи, Иордан псыхъом къэкӀуагъ Иуан зыригъэумэхъынэу. 14Ау Иуан ымыдэу, Исус моущтэу риӀуагъ:
– О сэ сыуумэхъын фае. Сэ о усыумэхъынэу укъысфакӀуа?
15– Джы аущтэу орэхъу, – пэгъокӀ ытыжьыгъ Исус, – сыда пӀомэ, джаущтэу ары шъыпкъэгъэ пстэури зэрэдгъэцэкӀэн фаер. Исус аущтэу къызыреӀом, Иуан къезэгъи, ыумэхъыгъ.
16Исус Иуан зызэрэригъэумэхъэу, псым къыхэкӀыжьыгъ. Псым къызыхэкӀыжьым, уашъор зэӀукӀи, Тхьэм ы Псэ ЛъапӀэ тхьаркъом фэдэу ежь къызэрэфехырэр ылъэгъугъ. 17ЕтӀанэ уашъом зы макъэ къиӀукӀыгъ:
– Мары сэ шӀу слъэгъурэ с Къо кӀасэу сыгу зэӀурэр.#3:17 Мары сэ шӀу слъэгъурэ с Къо кӀасэу сыгу зэӀурэр – яплъ Орэд ЛъапӀэхэм 2:7; Мусэ апэрэ тхылъэу ытхыгъэм (УблапӀэм) 22:2; Пегъымбар Ешайа тхылъэу ытхыгъэм 42:1.
Voafantina amin'izao fotoana izao:
Маттэ 3: AdgNT14
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© Институт перевода Библии, 1991, 1992, 2014. Стокгольм
