Matthew 28:12-15

Siampi makaite le upate a kisuktuah khit uh ciangin ngaihsutna khat a geel uh hi. Galkapte sum tampi pia uh a, "‘Zan laitakin a nungzuite hong pai uh a, ka ihmut kalun a luang a gumang uh hi,’ ci un. Hih thukohna gam ukpipa kiang a tun leh kote in amah ka na lungkimsak ding uh a, na buai loh nadingun kong hu ding uh hi," ci-in a sawl uh hi. Tua ciangin galkapte in sumte sang uh a, a hilh bangbangun a hih uh hi. Tua hi-a tuni ciang dong Jew-te lakah hih thu a kigen kawikawi hi.