ಅಪೊಸ್ತಲ ಮುನ್ನುಡಿ
ಮುನ್ನುಡಿ
ಅಪೊಸ್ತಲಂಗಡ ಸೇವೆ, ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿರ ಕಡೇಯಿಂಜ ಸುರು ಆಯಂಡುಂಡ್. ಯೇಸುರ ಶಿಷ್ಯಂಗ ಪವಿತ್ರಾತ್ಮತ್‍ರ ಶಕ್ತಿಲ್ ಯೇಸುರ ನಲ್ಲ ಸುದ್ದಿನ ಎಲ್ಲಾ ಜಾಗಕ್ ಎನ್ನನೆ ಕೊಂಡ್ ಪೋಚೀಂದ್ ಉಳ್ಳದೇ ಇದ್ಂಡ ಮುಕ್ಯಪಟ್ಟ ವಿಷಯವಾಯಿತುಂಡ್.
ಆದ್ಯವಾಯಿತ್ ಯೆಹೂದ್ಯ ಜನಾಂಗ ಯೇಸುರ ಮೇಲೆ ನಂಬಿಕೆ ಬೆಚ್ಚಿತ್, ದೇವಡ ಮಕ್ಕಾಳಾಚಿ, ಆಚೇಂಗಿ, ಅಯಿಂಗ ಎಲ್ಲಾರು ನಂಬಿತ್‌ಲ್ಲೆ, ಅಯಿಂಗ ಯೇಸುರ ಶಿಷ್ಯಂಗಕ್ ಹಿಂಸೆ ಕೊಡ್‍ಪಕ್ ಸುರು ಮಾಡ್‍ಚಿ. ಆನಗುಂಡ್, ಶಿಷ್ಯಂಗ ಪಿಂಞ ಯೇಸುನ ನಂಬ್‍ನ ದೇವಡ ಮಕ್ಕ, ಯೇಸುರ ನಲ್ಲ ಸುದ್ದಿನ ಯೆಹೂದ್ಯ ಜನ ಅಲ್ಲತಯಿಂಗಕ್ ಎಣ್ಣ್‌ವಕಾಯಿತ್ ಲೋಕತ್‍ರ ನಾನಾ ಜಾಗಕ್ ಪೋಚಿ.
ಈ ಪುಸ್ತಕತ್‍ನ ಮೂಂದ್ ಬಾಗವಾಯಿತ್ ನಂಗಕ್ ಪಡಿಪಕ್ ಆಪ. ಯೆರೂಸಲೇಮ್ಂಜ ಮಾಡ್‍ನ ಸೇವೆ, ಪಲೆಸ್ತೀನ ದೇಶತ್‍ಲ್ ಮಾಡ್‍ನ ಸೇವೆ, ಪಿಂಞ ರೋಮ್ ರಾಜ್ಯತ್‍ಲ್ ಮಾಡ್‍ನ ಸೇವೆ.
ಅಪೊಸ್ತಲಂಗಡ ಸೇವೇರ ಪುಸ್ತಕತ್‍ನ ಪವಿತ್ರಾತ್ಮತ್‍ರ ಸೇವೇರ ಪುಸ್ತಕಾಂದು ಎಣ್ಣುವಕ್ ಆಪ. ಪವಿತ್ರಾತ್ಮ, ಶಿಷ್ಯಂಗಡ ಮೂಲಕ ಯೇಸುರ ನಲ್ಲ ಸುದ್ದಿನ ಯೆಹೂದ್ಯ ದೇಶತ್‍ಲ್ ಪಿಂಞ ಪೌಲಂಡ ಮೂಲಕ ಯೆಹೂದ್ಯಂಗಲ್ಲತಯಿಂಗಡ ದೇಶತ್‍ಲ್ ಕೊಂಡ್ ಪೋಯಿತ್, ಕ್ರಿಸ್ತಂಡ ಸಬೇನ ಎಲ್ಲಾ ಜಾಗತ್‍ಲು ಸ್ತಾಪನೆ ಮಾಡ್‍ಚಿ. ಈ ಕಾಲತ್‍ಲ್ ಯೇಸುನ ನಂಬ್‍ನಯಿಂಗಕ್ ದುಂಬ ಹಿಂಸೆ ಇಂಜತೇಂಗಿಯು, ದುಂಬ ಜನತ್‍ನ ಯೆಹೂದ್ಯ ಜನ ಪಿಂಞ ರೋಮ್ ರಾಜ್ಯ ಕೊಂದತೇಂಗಿಯು, ಕ್ರಿಸ್ತಂಡ ಸಬೆ ಬೊಳ್‌ಂದಂಡೇ ಇಂಜತ್.
ಬೂಲೋಕತ್‍ಲ್ ಯೇಸುರ ಆಕೀರ್ ತಕ್ಕ್ 1.1–14
ಯೂದಂಗ್ ಬದ್‍ಲ್ ಬೋರೆ ಶಿಷ್ಯ 1.15–26
ಯೆರೂಸಲೇಮ್‍ಲ್ ಸಾಕ್ಷಿ 2.1–8.3
ಯೆಹೂದ್ಯ ಪಿಂಞ ಸಮಾರ್ಯತ್‍ಲ್ ಸಾಕ್ಷಿ 8.4–12.25
ಪೌಲಂಡ ಆದ್ಯ ಮಿಶನರಿ ಸೇವೆ 13.1–14.28
ಯೆರೂಸಲೇಮ್ ಸಬೇಲ್ ಆಲೋಚನೆ 15.1–35
ಪೌಲಂಡ ದಂಡನೆ ಮಿಶನರಿ ಸೇವೆ 15.36–18.22
ಪೌಲಂಡ ಮೂಂದನೆ ಮಿಶನರಿ ಸೇವೆ 18.23–21.16
ಪೌಲಂಡ ರೋಮ್ ಪಟ್ಟಣತ್‍ರ ಪ್ರಯಾಣ ಸೇವೆ 21.17–28.31
Voafantina amin'izao fotoana izao:
ಅಪೊಸ್ತಲ ಮುನ್ನುಡಿ: ಕೊಡವ
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2017, New Life Literature (NLL)