Yela 12
12
Chae wesoŋa
Kooro Devid yel
1N Naa Korowii, lɛ yaa!
Nɛra ba wa aa toɡra
toole kpa,
kasinteŋ diile tonɛ
nɛra bini.
2Nyosonee bɛlbwa teŋe
dɛɛ tɛ o dɔŋ,
nyokpɛlee ba kpɔ
dɛɛ neɡre dɔŋa.
3N Naa Korowii, ɡel nyokpɛl
ne nyoo baa kpɔa dɛɛ bol
wejena ba a jaɡa.
4A ɡɛ nɛra la dɛ ŋɔ,
“Ya nyoa ɛɛ yoo tɛ yaa.
Yaa bol anɔ la
yaa dɛ nyinii.
Nomɛlbwa toole
dɛ́ tɔ yaa ŋwɛnɛ.”
5N Naa Korowii ŋɔ, “Mɛɛ bao,
fiiɡa baa dɛ fiiɡi
nɛŋɡwɛɡra,
ne pɛma nyaara
aa dɛ pɛmɛ la wa.
Mɛɛ lɛɛ ba so deŋnesɔɔhna
ta.”#Kaa 3:7
6Korowii waa do chasee,
dɛ do yaradae,
kɛŋɔ suuɡapoŋ
baa laa doŋa
kpɔ o ta kera anuanɛ,
o do wer kohona la.
7N Naa Korowii, kpɔ nɔn tɔ ya nɛ,
dɛ́ lɛ yaa le
ɡɛ nɛra nɔ nɔn ta kwaraa.
8Nyubinikpeɡ tena perɔ,
dɛ valɛ dɛɛ ɡu,
ba na waa aa wola were
nɛra ɛɛ ɛaa,
dɛ ba dɛ kpɛɛra.
Voafantina amin'izao fotoana izao:
Yela 12: mzw
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.