Mateo 7

Chrokꞌuándaxiénhñara kichuara

(Lc. 6:37-38, 41-42)

1’Chrokjuéyéhyara ijie̱ ókjé chojni kixin Díos la kja̱xin chrókjuanchehya ijie̱ ti jahara. 2#Mr. 4:24.*Díos la tsjanchia ijie̱ ti tsékara ijie̱ ókjé chojni. Méxra̱, ti xi̱kaha tsotsjehéra iji̱é ókjé chojni la xi̱kaha tso̱hanra kja̱xin. 3¿Xá nkexrín chrókuakitsjenkíra ti chji̱nínó intsí tjenkánkí ikon ti kichuara ti na̱xa̱ takítsjenkíhyara ti inta tjenkánkí ti ikonra? 4¿Xá nkexrín, chróndáchera ti kichuara: “Ti̱to̱héni tsakítsjenkíni ti chji̱nínó intsí tjenkánkí ikuan”, ti na̱xa̱ takítsjenkíhyara ti chji̱nínó ijié tjenkánkí ikonra? 5Ti xi̱kaha, la nduáhya tjénka̱yáxinra. Senó chrókuakitsjenkíra ti inta tjenkánkí ti ikonra, ndá chrókꞌuíkonra jína chrókuakitsjenkíra ti chji̱nínó intsí tjenkánkí ikon ti kichuara.

6’Chrochje̱éhyara ti nkehe kótjóá ti koni̱a̱, ti náhí, la tsokjan va siniehe va la ko sinchekuen va ti jahara. La ko kja̱xin chróchje̱éhyara kochíno ti ixro̱ tjete kixin tsinkátja va tso̱kuen.

Tjánchíára, tjéyára la ko tꞌeyara

(Lc. 11:9-13; 6:31)

7’Tjanchehéra Díos nkehe la tso̱tjáhara chꞌan. Tjéyára la tsꞌitjára. Tꞌinkara#7:7 Tꞌinkara tocar la puerta puerta la tsoxitje̱he̱. 8Kixin kaín ti nkexro tjanchia la tsꞌáyéhe̱, ti nkexro tjeyá la tꞌitja, ti nkexro tꞌínka puerta la xitje̱he̱.

9’¿Xá nkojinra ti chrókjuanchia xja̱anra ijnko nio̱tja̱ la chróchje̱héra ijnko ixro̱ ní? Kja̱ náhí. 10O̱ ti chrókjuanchia xjan ijnko koche la, ¿chróchje̱héra ijnko konche ní? 11Jahara, kjónté chojni tjenka̱yáxinhña jína, la nohara chje̱héra nkehe jína ti xja̱anra. A̱ndá Itꞌéni Díos itjen nkaya nka̱jní la a̱ntsí nkehe jína tsochjéhe chꞌan ti nkexro tsjanchia.

12 # Lc. 6:31. *’Méxra̱ ti tjinkáonra kixin tsjikosáyehe chojni ti jahara, la sa̱o jahara tjáko̱xinra ti nkehe jína, kixin xi̱kaha kꞌue̱to̱an Moisés la ko xi̱kaha ndáchro ti xroon tsíkjin ti sin kꞌuéchronka itén Díos ósé.

Ti puerta tjekahya

(Lc. 13:24)

13’Tꞌixe̱énxinra ti puerta tjekahya. Kixin ti puerta la ko ti nti̱a tsꞌitjáñaxín chojni la imá iton la ko tjeka la nchónhña chojni sátji ntiha. 14Kjánchó tjekahya ti puerta la ko ijnó ti nti̱a sátsji̱xini ti kjuachón la tsjéhya chojni tꞌitja ti nti̱a a.

Ti ito tꞌóna mé tjatso̱anxíni ti inta

(Lc. 6:43-44)

15’Tóxakohanra jína tꞌejora kixin ti sin xrichꞌia ndáchro kixin nixja itén Díos, la chritaón ó tꞌikoni tjo̱é kolélo chónta sin, a̱ndá nkaya la konda̱níxra jie̱he. 16Jahara la ti ixra̱ ichꞌe sin chrókjuatso̱anxínra sin. ¿Xá á jína, kixin ti ntachꞌi̱ la chrókꞌóna to uva o̱ ti ntachje la chrókꞌóna to higo ní? 17Mé xi̱kaha kaín ti inta jína la tꞌóna ito jína, a̱ndá ti inta jehya jína la jehya ito jína tꞌóna. 18Ijnko nta jína la xrokjuahya tsꞌóna ito jehya jína, la ko ijnko inta jehya jína la xrokjuahya tsꞌóna ito jína. 19#Mt. 3:10; Lc. 3:9.*Kaín ti inta tꞌónahña ito jína la chrijin la chexín xrohi. 20#Mt. 12:33.*Méxra̱ jahara la ti ixra̱ ichꞌe sin, chrókjuatso̱anxínra á jína sin o̱ náhí.

Jehya kaín chojni tsꞌixehen ti itjen Díos

(Lc. 13:25-27)

21’Jehya kaín ti chojni ndáchro: “Ìnchéni, Ìnchéni”, tsꞌixehen ti tꞌe̱tua̱nxín Díos itjen nkaya nka̱jní. Náhí. Jehó ti nkexro nchexiteyá ti nkehe tóxríhi̱n Tꞌaná. 22Itsjé chojni tsondáchro ti ó tsixraká ti ña̱o a: “Ìnchéni, Ìnchéni, jeheni kꞌuénixja̱xi̱ni ihni̱á la ko ihni̱á kuakitsjexíni ncha̱kuén jínahña la ko ihni̱á kjuasixíni nchónhña kjuaxroan.” 23#Sal. 6:8.*Kjánchó janhan tsondátjan sin: “Janhan la chonhña ti jahara. Sátjixinra ntihi kixin jehya ixra̱ jína kjui̱chꞌera.”

Jesús kjuíncheyóe̱xin yaá nchia

(Lc. 6:47-49; Mr. 1:22)

24’Ti nkexro tihin ti nkehe ndáxrja̱n la ko titekaon, la jehe sin mé éxi ijnko nkexro chónta kjuaxrexinkaon jína la kjuíchꞌéna nchia chritaón itjo̱. 25A̱ndá xrákoa ichrin, la ikui nda̱ninche, la imá chjéhe xri̱nto̱, la kjónté xi̱kaha la xi̱kahña ti nchia kixin ti nchia la itjo̱ tjekjen. 26A̱ndá kaín ti nkexro tihin ti nkehe ndáxrja̱n la titekakonhña, mé jehe sin la éxi ijnko nkexro lo̱nti̱ kjuíchꞌéna ijnko nchia chritaón nchesen. 27La xrakoa ichrin la ikui yeé nda̱ninche, la ko chjéhe xri̱nto̱ la kꞌo̱ya̱ ti nchia la ijnko kjuachrakon ijié kóhen tíha.

28 # Mr. 1:22; Lc. 4:32. *Ti ó kjuixin nixja chꞌin Jesús tíhi, la imá chrakon ti chojni tjejó tihin nkexrín kjuako chꞌan 29kixin kjuako chꞌan éxi ijnko nkexro imá chónta kjuachaxin la tóyóe̱hya éxi tjako ti maestro kuènté ley.

Voafantina amin'izao fotoana izao:

Mateo 7: poeNTplus

Asongadina

Hizara

Dika mitovy