Yunus 2
2
Ngampun-ngampun si Yunus
1Pag laꞌi iye diyalem kennahin ngampun-ngampun si Yunus tudju Tuhan. 2Paꞌinne,
“Pag laꞌi ku dem kasusehan lingananku Tuhanin,
ubus bu sambunganne ku.
Pag laꞌi ku diyalem lahat meꞌ pateyin māku tabang ku
bu pakale kew si paglingankun.
3Lakasannu ku pī dem kalaleman
dem tengngaꞌ sellang
duk sellegin paliput si aku;
kadebbunan ku weꞌ kēmon goyaknun
duk meꞌ goyak mahadjehin.
4Kannalku, ‘Pinatahalaꞌ ku
amban matanu;
gaꞌi ne kiteku balik#2:4 atawa: Karayaw kiteku balik langgalnu masutsihin.
langgalnu masutsihin.’
5Sōng lambo ku weꞌ tahik mapaliput si akuhin
tahik malalemin paliput si aku.
Meꞌ sabet dem tahikin palibed si kōkku.
6Palenneb ku pī si poꞌon punuhin.
Pakissup bulakin pag dumiyalem ku
supaya ku gaꞌi lumuwas salama-lama.
Saguwaꞌ kaꞌu, Tuhan, Panuhutankun,
boꞌonu du ku balik amban dem kalaleman, ellum pe.
7Pag sōng ubus ne umulkun
taꞌessebte kew, Tuhan;
ngampun-ngampun ku si kaꞌu
duk tapī pangampunkun si kaꞌu
diyalem langgalnu masutsihin.
8Sine-sine nuhut meꞌ tuhan-tuhande manggaꞌ niyaꞌ balinen
lebbahande ne sandelde si kaꞌuhin, Tuhan.
9Saguwaꞌ aku, magpasalamat ku
duk magkurban ku si kaꞌu.
Meꞌ bakas tunggaꞌku si kaꞌuhin tumananku du.
Tuhanin hadja manimbulin.”
10Ubus inin dinaꞌak weꞌ Tuhanin si Yunus pinaluwas si kennahin pī si higad tahik.
Voafantina amin'izao fotoana izao:
Yunus 2: yakV
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2019, Wycliffe Bible Translators, Inc. All rights reserved.