Andinin-tSoratra Masina malaza indrindra nalaina tao amin'ny KASAUKAN 15

Hizara

Nangintopot i Abram ra TUHAN, am ginio ra TUHAN nangiou riso koson sangulun motopot.

Kopongo raginio, nakakito i Abram ra minintalang am nakaining ra ragu ru TUHAN, “Pai' kalaa' Abram, mangampin Aku rirun intor ra makalalaa' am mangani' rirun ra taak maayo.”

Ibito' ru TUHAN i Abram miningkual ra liwar am indagu, “Pantingaa' ra limbowon am kinami' untobo' suang ru butitin no; makapapag kou koson ra kinasuang ru butitin no.”

Naining poyo ri Abram ragu ru TUHAN, “Ulipon raginio kalo makapanungkus ra rapu' muno; Anak ungkuyon muno galama' ondo' manungkus.”

Indagu TUHAN riso, “Papag muno masauk ra ulun bansa' ra bokon giu' ra pagun ra bokon. Masauk ilo ra ulipon ra giu' no am uliponon ilo buoi apat ngaatus ngambilor.

Kaa' taam i Abram, “Iou TUHAN Raja', Atan kia onong ru taak no raki' sabap ra aku kolondo' anak? Ulun ondo' manungkus ra rapu' kuno, iono i Iliijir ayuk, ulipon kuno ulun ru Damsyik no.

Paat raginio niayuk nambaal TUHAN ra bantu' Nano ri Abram. Indagu TUHAN, “Bantu' Kuno ra manaak Aku ra papag muno ra titikop ru tana' ragitio, intor ra balitan ru pagun ru Misir polos ra sungoi Iprat

Masuku' papag kaapat muno, sumaguli' ilo ragiti sabap kalo paugaron Ku ulun ru Amori ra ilo kalo poyo lumaat kaga' saboi ilo ukumin.”