Andinin-tSoratra Masina malaza indrindra nalaina tao amin'ny Salamo 34

Hizara

Akaikin'izay manana fo mangorakoraka Jehovah, ary mamonjy izay torororo fanahy.

Mitady an'i Jehovah aho, dia mamaly ahy Izy ka manafaka ahy amin'ny tahotro rehetra.

Maro ny fahorian'ny marina; nefa Jehovah manafaka azy amin'izany rehetra izany.

Andramo ka izahao fa tsara Jehovah; sambatra izay olona mialoka aminy.

Mijery Azy ireo ka miramirana, sady tsy mangaihay ny tavany.

Mitaraina ny marina, ary mihaino azy Jehovah ka mamonjy azy amin'ny fahoriany rehetra.

Ny Anjelin'i Jehovah mitoby manodidina izay matahotra Azy ka mamonjy azy.

Halaviro ny ratsy, manaova soa; mitadiava fihavanana, ka araho izany.

Dia arovy ny lelanao amin'ny ratsy ary ny molotrao mba tsy hiteny fitaka.

Ny mason'i Jehovah dia mitsinjo ny marina, ary ny sofiny mihaino ny fitarainany.

Miaraha mankalaza an'i Jehovah amiko; ary aoka hiara-manandratra ny anarany isika.