Andinin-tSoratra Masina malaza indrindra nalaina tao amin'ny Ohabolana 19

Hizara

Maro ny hevitra ao am-pon'ny olona; Fa ny fisainan'i Jehovah no haharitra.

Izay miantra ny malahelo dia mampisambotra an'i Jehovah, Ary izay nomeny dia honerany kosa.

Ny fahendren'ny olona manindry ny fahatezerany, Ary voninahitra ho azy ny tsy mamaly fahadisoana.

Henoy ny saina atolotra, ary raiso ny fananarana, Mba ho hendry ianao amin'izay hiafaranao.

Ny fahatahorana an'i Jehovah no ahazoana fiainana; Izay manana izany tsy mba handry fotsy sady tsy hiharan-doza.

Izay mihary fahendrena no tia ny tenany, Ary izay mitandrina fahalalana hahita soa.

Faizo ny zanakao, fa mbola misy azo antenaina ihany, Nefa aza dia entim-po loatra, fandrao mahafaty azy.

Ny vavolombelona mandainga tsy maintsy hampijalina, Ary ny miteny lainga ho very.