Andinin-tSoratra Masina malaza indrindra nalaina tao amin'ny Ohabolana 17

Hizara

Izay tena sakaiza tokoa dia tia amin'ny andro rehetra, Sady miseho ho rahalahy hamonjy amin'ny fahoriana.

Ny fo ravoravo mahasalama tsara; Fa ny fanahy kivy mahamaina ny taolana.

Izay te-ho be fitiavana dia manaron-keloka; Fa izay mamohafoha teny mampisaraka ny tena mpisakaiza.

Izay mahafihim-bava no manam-pahalalana; Ary izay mahatsindry fo no manan-tsaina.

Na ny adala aza, raha tsy miteny, dia atao ho hendry, Ary izay mahafihim-bava dia toa manan-tsaina.

Tsara ny sombi-mofo maina misy fiadanana Noho ny trano feno hena misy fifandirana.

Ny fiandohan'ny ady dia toy ny manata-drano, Koa ilaozy ny fifandirana, dieny tsy mbola mifandramatra.

Izay manamarina ny meloka, na izay manameloka ny marina,Dia samy fahavetavetana eo imason'i Jehovah.