Andinin-tSoratra Masina malaza indrindra nalaina tao amin'ny Ohabolana 12

Hizara

Ny alahelo ao am-pon’ny olona dia mampitanondrika azy; Fa ny teny soa no mahafaly azy.

Izay tia fananarana no tia fahalalana; Fa izay mandà anatra dia biby.

Misy mandefalefa teny tsy tsaroana ka tonga toy ny fanindron’ny sabatra; Fa ny lelan’ny marina dia fanasitranana kosa.

Ny làlan’ny adala dia mahitsy eo imasony; Fa izay mino anatra no hendry.

Ny fahasosoran’ny adala dia fantatra miaraka amin’izay; Fa izay mahatsindry fo amin’ny fanalam-baraka no hendry.

Ny vehivavy tsara dia satroboninahitry ny lahy; Fa ny vehivavy manao izay mahamenatra kosa dia tahaka ny lo ao anatin’ny taolana.

Fahavetavetana eo imason’i Jehovah ny molotra mandainga; Fa izay olona mahatoky no ankasitrahany.

Ny marina dia mitari-dàlana ny namany; Fa ny alehan’ny ratsy fanahy kosa no mampivily azy.

Ny molotra marina ampitoerina ho mandrakizay; Fa ny lela mandainga dia indray mipì-maso monja.