Andinin-tSoratra Masina malaza indrindra nalaina tao amin'ny Genesisy 25

Hizara

Ary hoy Jehovah taminy: Firenena roa no ao an-kibonao; Ary vahoaka roa toko no hisaraka hatrao am-bohokanao; Ary ny vahoaka iray toko hahery noho ny iray toko. Ka ny zokiny hanompo ny zandriny.

Dia hoy Esao tamin’i Jakoba: Mba anomezo ahy honaniko ny mena, dia io mena io, fa reraka aho (izany no nanaovana ny anarany hoe Edoma).

Ary Isaka nangataka tamin’i Jehovah ho an’ny vadiny, satria momba izy; ary nohenoin’i Jehovah ny fangatahany, dia nanan-anaka Rebeka vadiny.

Dia hoy kosa Esao: Indro, ho faty ihany aho; ka mahasoa inona izay fizokiana? Ary hoy Jakoba: Mianiàna ary amiko aloha. Dia nianiana taminy izy; ka dia namidiny tamin’i Jakoba ny fizokiany.

Ary rehefa afaka izany, dia teraka koa ny rahalahiny, ary ny tànany nihazona ny ombelahin-tongotr’i Esao, dia nataony hoe Jakoba ny anarany; ary efa enim-polo taona Isaka tamin’ny niterahana azy mirahalahy.

Ary Isaka tia an’i Esao, satria nankafy ny hazany; fa Rebeka kosa tia an’i Jakoba.