Andinin-tSoratra Masina malaza indrindra nalaina tao amin'ny Ezekiela 3

Hizara

Raha hoy Izaho amin’ny ratsy fanahy: Ho faty tokoa hianao! ary tsy mananatra azy hianao, na miteny hananatra ny ratsy fanahy, hialany amin’ny làlany ratsy hamonjena ny ainy, dia ho faty amin’ny helony ihany ilay ratsy fanahy; nefa hadiniko amin’ny tànanao ny rany.

Fa raha mananatra ny ratsy fanahy kosa hianao, ka izy no tsy mety miala amin’ny faharatsiany sy amin’ny làlany ratsy, dia ho faty amin’ny helony ihany izy; fa ho voavonjinao ny fanahinao.

Ry zanak’olona, efa nataoko mpitily ho an’ny taranak’Isiraely hianao; ka dia hohenoinao ny teny avy amin’ny vavako, ary avy amiko no hananaranao azy.

Ary koa, raha ny marina miala amin’ny fahamarinany ka manao meloka, ary mametraka fahatafintohinana eo anoloany Aho, dia ho faty izy; eny, noho ny tsy nananaranao azy dia ho faty amin’ny fahotany ihany izy, ary ny fahamarinana izay nataony tsy hotsaroana, nefa kosa hadiniko amin’ny tànanao ny rany.