Andinin-tSoratra Masina malaza indrindra nalaina tao amin'ny Estera 6

Hizara

ARY tamin’iny alina iny tsy nahita torimaso ny mpanjaka ka nampaka ny boky fitadidiana ny tantara; ary novakina teo anatrehan’ny mpanjaka izany. Ka, indro, voasoratra fa Mordekay no niampanga an’i Bigtana sy Taresy, roa lahy isan’ny tsindranolahin’ ny mpanjaka, dia ireo mpiambina teo am-baravarana izay nitady hamono an’i Ahasoerosy mpanjaka.

Dia niditra Hamana ka hoy ny mpanjaka taminy: Inona no mendrika hatao amin’izay lehilahy tian’ny mpanjaka homem-boninahitra? Ary Hamana nanao anakampo hoe: Koa iza indray moa no ho tian’ny mpanjaka homem-boninahitra afa-tsy izaho?

Dia hoy ny mpanjaka tamin’i Hamana: Faingàna ary, alao ny akanjo sy ny soavaly araka ny voalazanao, ka dia ataovy araka izany amin’i Mordekay Jiosy, izay mipetraka eo am-bavahadin’ny mpanjaka; aza asiana latsaka izay rehetra nolazainao.