Andinin-tSoratra Masina malaza indrindra nalaina tao amin'ny Deoteronomia 4

Hizara

Kanefa any hianao no hitady an’i Jehovah Andriamanitrao ka hahita Azy, raha mitady Azy amin’ny fonao rehetra sy ny fanahinao rehetra.

fa Andriamanitra mamindra fo Jehovah Andriamanitrao ka tsy hahafoy anao, na handringana anao, na hanadino ny fanekena tamin’ny razanao, izay efa nianianany taminy.

Fa Jehovah Andriamanitrao dia afo mandevona; eny, Andriamanitra saro-piaro Izy.

Kanefa kosa mitandrema hianao, ka tandremo tsara ny fanahinao, fandrao hadinoinao ny zavatra izay efa hitan’ny masonao, ary andrao miala amin’ny fonao izany, amin’ny andro rehetra hiainanao, fa ampahafantaro ny zanakao sy ny zafinao izany

Koa aoka ho fantatrao anio, ka tsarovy ao am-ponao, fa Jehovah no Andriamanitra any amin’ny lanitra ambony sy etỳ amin’ny tany ambany, ka tsy misy afa-tsy Izy.

Fa iza no firenena, na dia lehibe aza, no mba manana andriamanitra akaiky azy tahaka an’i Jehovah Andriamanitra amin’izay rehetra iantsoantsika Azy?

Raha azom-pahoriana hianao, fa manjo anao ireo zavatra rehetra ireo, dia hiverina amin’i Jehovah Andriamanitrao hianao any am-parany ka hihaino ny feony

Aza ampianareo ny teny izay andidiako anareo, ary aza anesoranareo, fa tandremo ny didin’i Jehovah Andriamanitrareo izay andidiako anareo.