Andinin-tSoratra Masina malaza indrindra nalaina tao amin'ny 2Korintiana 6

Hizara

Aza mety hasiana zioga tsy antonona anareo hikambanana amin’ny tsy mino. Fa inona no iraisan’ny fahamarinana sy ny fahotana? Ary inona no iombonan’ny mazava sy ny maizina?

Ary inona no ikambanan’ny tempolin’Andriamanitra amin’ny sampy? Fa isika no tempolin’Andriamanitra velona, araka ny nataon’Andriamanitra hoe: ,,Honina eo aminy Aho sy handeha eo aminy; ary ho Andriamaniny Aho, ary izy ho oloko’’ (Lev. 26.11, 12).

,,Koa mivoaha eo aminy hianareo, ka misaraha aminy, hoy Jehovah, Ary aza manendry izay zavatra tsy madio; Ary Izaho dia handray anareo. Ary ho Rainareo Aho, Ary hianareo ho zanako-lahy sy ho zanako-vavy, hoy Jehovah Tsitoha’’ (Isa. 52.11, 12).

Ary inona no ifanarahan’i Kristy sy Beliala? Ary inona no iraisan’ny anjaran’ny mino sy ny tsy mino?