Andinin-tSoratra Masina malaza indrindra nalaina tao amin'ny Ohabolana 29

Hizara

Ny tahotra olombelona, misy fandrika anatiny; fa ny matoky amin’i Iaveh, no tafatoetra tsy misy hatahorany.

Rehefa tsy misy fahitana intsony tsy misy mahafehy ny vahoaka. Sambatra izay mitandrina ny lalàna.

Ny adala manampatra ny hatezerany rehetra, ny hendry kosa, manonona sy mahafehy azy.

Ny tsora-kazo amam-pamaizana mampahazo ny fahendrena, fa ny zaza ampanaranina, manome henatra ny reniny.

Faizo ny zanakao dia hanome fitsaharana anao izy, sy hampahazo fifaliana ho an’ny fanahinao.

Ny avonavon’ny olona, mamarina amin’ny fietrena; fa ny manetry tena ao am-po mahazo voninahitra.

Ny olona mora tezitra mamelona ady; ny olo-masiaka, be hadisoana.

Raha mahita olona haingam-bava ianao, dia ny adala no misy hantenaina noho izy.