Andinin-tSoratra Masina malaza indrindra nalaina tao amin'ny Ohabolana 22

Hizara

Ampianaro ny zaza ny lalana tokony halehany, dia tsy hiala amin’izany izy, na rehefa antitra aza.

Ny vokatry ny fanetren-tena, dia ny fahatahorana an’i Iaveh; harena amam-boninahitra ary fiainana izany.

Aleo laza tsara, toy izay harem-be, ary ny fanajana dia ambony vidy noho ny volafotsy amam-bolamena.

Aza mikambakambana amin’izay olona foizina, na miarakaraka amin’izay olona masiaka

Hambinina ny olona antra fijery, fa anomezany ny mahantra ny mofony.

Ny mahira-tsaina, mahatsinjo ny ratsy, dia miery; fa ny kely saina kosa, mandroso ihany ka voa.

Ny manan-karena manapaka ny mahantra; ary ny misambotra, mpanompon’ny mpampisambotra.

Mihaona ny mpanana sy ny mahantra, samy asan’i Iaveh izy roa tonta.

Aza endahanao ny mahantra noho izy mahantra, ary aza mampahory ny ory eo am-bavahady. Fa i Iaveh hiaro azy ireny amin’ny adiny; sy hanala aina an’izay nanendaka an’ireny.