Andinin-tSoratra Masina malaza indrindra nalaina tao amin'ny Hechos 5

Hizara

Ti ni kachi Pedro: ―Xnakan kuandatu na nuu Yandios ti sa kuandatu na nuu yɨvɨ naa i.

Tu ni ka jandatu da jnuꞌun ni ka kaꞌan chaa ka kuñaꞌnu un, chi ni ka siin da ka skuaꞌa da jiin yɨvɨ ini veñuꞌun Israel, ti suni veꞌe, ti ni ka kachi da: ―Ka ndatu ra Cristo naa ra, ti Jesús kuu Cristo ni kii un ―ni ka kachi apóstol. Yukan kuu jnuꞌun ni ka xnaꞌan da taka veꞌe yɨvɨ un.

Ti ni kachi Pedro nuu da: ―Va ni jikun jaꞌuꞌu un roꞌo Ananías, ja yukan kuu ja kuni ra xndaꞌu ra Espíritu Santo niku. Ni chisaꞌyɨ ra sava xuꞌun ni niꞌin ra jiin ñuꞌun ra. Na ti xiko ga ra ñuꞌun un, ni kuu ñuꞌun maa ra, ti kuu saꞌa ra nava kuu ini ra jiin. Ti nu ni xiko ra, ni niꞌin ra xuꞌun un, ko suni xuꞌun maa ra kuu. Ni ndoꞌo ini ra ja xndaꞌu ra ruꞌu naa ri. Ko ansu ruꞌu ni xndaꞌu ra, chi maa Yandios kuni xndaꞌu ra ―kachi Pedro. Nu ni jinisoꞌo Ananías jnuꞌun ni kaꞌan Pedro, ni nduva da, ti ni jiꞌi ni da. Tendɨꞌɨ yɨvɨ ni ka jini jnuꞌun un ni ka yuꞌu xaan.

Yukan kuu ja vaꞌa ga ja na sia ra chaa jaꞌa naa ra. Na kinkoyo da. Chi nu ka saꞌa da ja ñuxini maa da, ti tu kuñɨɨ. Ko nu ka saꞌa da jniñu taꞌu Yandios, tu kuu xnaa ra naa ra. Sia da na kinkoyo da, chi tu kuu kanaa ra jiin Yandios ―ni kachi Gamaliel nuu da naa da. Ni ka jandatu chaa ñaꞌnu un, ti ni ka saꞌa da nava ni kachi Gamaliel.