Andinin-tSoratra Masina malaza indrindra nalaina tao amin'ny João 1

Hizara

Ũ ag tóg hã ra ti ki ge mũ. Ẽn ag to tóg: “Topẽ krẽ,” he mũ, ũ tỹ ti ki ge kỹ nỹtĩ tãvĩ ag hã to.

Topẽ tỹ nén ũ kar han tũg ki tóg nĩ ja nĩ, ẽg tỹ ũ to: Topẽ vĩ, he mũ ẽn ti. Hã to ẽg: Jesus, he mũ. Topẽ mré tóg nĩ nĩ. Topẽ vỹ tỹ ti nĩ gé.

Ẽg mỹ tóg jẽngrẽ han tĩ. Ẽg ki kuty ẽn tỹ tóg tũ' he tĩ. Kỹ Nén-Kórég vỹ ti tỹ tũ' he sór ja nĩ, hã ra tóg ti tỹ hẽ ri ke ja tũ nĩ.

Ẽg tỹ ũ to: Topẽ vĩ, he mũ ẽn vỹ ẽg ri ke mur, kỹ tóg tỹ ẽprã ke jẽ sir. Ẽg mré tóg tĩ ja nĩgtĩ. Hã kỹ sóg ti vé. Pã'i mág vỹ tỹ ti nĩ, ũn tar, tag ve inh. Ẽg to há tãvĩ ti nĩ. Kỹ tóg ki hã tó tĩ gé. Tỹ tóg Topẽ kósin pir nĩ.

Ti vĩ hã tỹ tóg nén ũ kar hynhan, Topẽ ti. Ti pir mỹ tóg nén ũ han tũ nĩ, ti hã mré tóg hynhan kãn. Ẽg tỹ ũ to: Topẽ vĩ, he mu ẽn vỹ rĩr nĩ, hã kỹ tóg ẽg rĩnrĩr han ke mũ gé. Jẽngrẽ ri ke ti nĩ. Ti tỹ ẽg kanhrãn to ken hã vẽ.

Tỹ vaj kỹ tóg Jesus vég mũ sir. Kỹ tóg ti to: “ti hã vẽ,” he mũ. “Ẽg tỹ Topẽ mỹ cordeiro tãnh ẽn ri ke ti nĩ. Ti hã vỹ ẽg kar tỹ Topẽ vĩ mranh ẽn jagfy ter ke mũ.

Ga han tóg. Kỹ tóg ẽg mré kri tĩnh kãtĩg gé. Hã ra ẽprã ke ag tóg ti ki kanhrãn ja tũ nĩ. Ti povo kar mĩ tóg tĩg ja nĩ, hã ra ti mré ke ag pijé ti ki ge sór ja nĩgtĩ'.

Jẽngrẽ pẽ ẽn hã vẽ. Ẽprã tóg jun, ti tỹ ẽg kanhrãn jé, ẽprã ke kar.

Moisés vỹ ẽg mỹ Topẽ tỹ ẽg jyvẽn mũ ẽn tó ja nĩgtĩ, ẽg tỹ ti vĩ ki króm jé. Hã ra Jesus tóg ẽg mỹ: “Topẽ vỹ ãjag mỹ vẽnh pãte fón sór mũ, ti tỹ ãjag to há nĩn kỹ,” he mũ. Ti hã ne ẽg mỹ vẽnh vĩ sér ẽn tó mũ'.