Andinin-tSoratra Masina malaza indrindra nalaina tao amin'ny San Juan 3

Hizara

‘Attho atarr morrentenya Yompor alloweney acheñeneshay arr patsro ñeñthoꞌmarña apoey Poechemer ñeñth poꞌpathrror pen, allochñapaꞌ allowen ñerraꞌm eseshaꞌ ameꞌñerraya ña amach chenkërreto, ñetñapaꞌ korretsetach poksheñeshokmañen eꞌñe thayotheñ errponañowen.

Yomporpaꞌ amakaꞌye añekpayeꞌ moeñanoña Poechemer arr patsro atthoch moeñosan acheñeneshaꞌ koñcheñtso. Ñapaꞌ añekopña moeñe atthoch ñach aꞌkeshphatoseꞌña acheñeneshaꞌ arr patsro.

Jesúsñapaꞌ ateth otaph: —Eꞌñe poꞌñoxh notaph, eseshaꞌch ama eñalleterrtso ello ñetñapaꞌ amach errothenoth poeyochreshaꞌ perraneto Yompor.

‘Erraꞌtsenchaꞌ ameꞌñerraya ña ñetñapaꞌ amach amñarethterreto koñcheñtso. Tharraña ñeñthchaꞌ ama ameꞌñerrayo ñokpoetñapaꞌ anarethtet atthoch amñarethterret koñcheñtso tharroꞌmar ñetpaꞌ ama ameꞌñoñeto Yompor Poechemer ñeñth poꞌpathrror pen.

Ñañapaꞌ oꞌ wapa arr patsro atthoch yexhatosey ñeñth eꞌñe kowen enten Yompor, atthoña aꞌpoetarsamphsosnay yokthaphña. Tharraña shonteꞌ acheñeneshaꞌ ñetñapaꞌ ama moeneto oꞌch aꞌpoetarsamphsarethtet pokthaphñet. Ñetpaꞌ aña moenenet chekmeteꞌ tharroꞌmar amakaꞌye masosyayeꞌ kothapeꞌchyeneto. Ñeñthoꞌmarña ñetpaꞌ atthothchaꞌña amñarethterret koñcheñtso.

Jesúspaꞌ eꞌñe pokteꞌ alloꞌnepaꞌñakaꞌyeña enteñet poꞌñoxhpaꞌ ñakaꞌyeña atarr sherbets. Nañapaꞌ eꞌñe pokteꞌ alloꞌnepaꞌña entennet napaꞌ ama eꞌñeyeꞌ nesherbeno. Arrpaꞌ allowa ateth ot Juan Cristokop.

Allowen ñeñth ama masosyayeꞌ kothapeꞌchyeneto ñetpaꞌ ama kowenayeꞌ enteñetoña Cristo ñeñth aꞌpoetarsampeneꞌ alloweney yokthaphña. Ñeñthoꞌmarña ama eneto alloꞌtsen ñeñth aꞌpoetarsamphsañtetsa thayeꞌtoꞌtheꞌ orrtatarethtet pokthaphñet ñeñth ama masosyo.

Eseshaꞌch ameꞌñenaya Yompor Poechemer ñetpaꞌ korretsetach poksheñeshokmañen thayotheñ amaꞌt errponañowen. Añña ñeñth athpareꞌteneꞌ Yompor Poechemer ñetpaꞌ amach enterreto ñeñth korreñtsor. Ñetñapaꞌ xhachkaꞌye koñchaterranet Yompor.

Ñewa, awath Moiséspaꞌ yexhkatan ñeñth atmaꞌntatareth shecheph all amayo, ñeñthñapaꞌ wankëꞌ tsachopaꞌ oꞌ echantampes enoneth. Attho Moisés echantamphsan shecheph all amayopaꞌ, napaꞌxhoꞌña ñeñth poktetsa nokop atethchaꞌ perrnet namha, korsochothchaꞌ echantamphsarethen.

Yomporpaꞌ atarrkaꞌye nanak moerenanaña Poechemer. Ñeñthoꞌmarña apwaweñ allowen allpon eñall allochñapaꞌ ñach pomnaren penawet.