Andinin-tSoratra Masina malaza indrindra nalaina tao amin'ny Ri Lucax 6

Hizara

Chixyanok, cayan c'u na ri Dios chiwe, ruc' utzalaj pajbal, t'icom, slabesam, cächemowisax ri i c'olbal. Jas ri pajbal quicoj ix cuc' niq'uiaj chic, je cäcoj na chiwe.

Ri utzalaj winak che ri utzalaj tak jastak ri c'o pa ranima', cäresaj wi ulok ri utz. Are c'u ri itzel winak che ri itzel tak jastak ri c'o pa ranima', cäresaj wi ulok ri etzelal. Che ri q'uiyal ri c'o pa ri ranima' quel wi ulok ri cubij ri u chi'.”

Chebilok'ok'ej ba' ri cäquiban qui c'ulel chiwe. Chibana' utzil, chiya' jolomal, micu'ba' i c'u'x chrij chi cätzelex chi na. Nim c'u ri tojbal iwe, quixux na ralc'ual ri Dios aj chicajil, rumal rech chi ri are' ch'uch'uj chque ri man quemaltioxin taj xukuje' chque ri itzel tak winak.

Chixtok'obisan ba' wächaj, je jas ri i Tat tok'obisal wächaj.”

“Mik'at tzij paquiwi' niq'uiaj chic, rech man cäk'at ta tzij piwi' ix. Mebic'okoj niq'uiaj chic, rech man quixc'okox ta na ix. Chisacha' qui mac niq'uiaj winak chic, cäsach c'u na i mac ix.

“Quinbij c'u chiwe ix ri quitatabej ri nu tzij: Chebilok'ok'ej ri quixc'ulelanic. Chibana' utzil chque ri cäquetzelaj i wäch. Chebitewichi'j ri quixc'okonic. Chixch'aw ruc' Dios paquiwi' ri quixquiyok'o.

Jas ri quiwaj chi cäquiban ri winak chiwe, je xukuje' chibana' ix chque.

We c'o jun catuch'ay che ri juperaj a palaj, chaya' chi ri juperaj chuwäch. We c'o jun cutokij ri a k'u', chaya' che chi xukuje' ri cuc'am bic ri awatz'iak. Jachin ri cuta' jun jasach chawe, chaya' che. We c'o jun cuc'am bic ri jastak awe, c'o mabij che.

“Man c'o ta jun utzalaj che' ri cuya' ta u wächinic ri man utz taj. Mawi c'o jun che' ri man utz taj ri cuya' ta utzalaj u wächinic.

Ri juwi' tak che' xa' rumal ri qui wächinic quetamataj qui wäch. Man quech'up ta c'u higo chquij ri q'uix, mawi quech'up uva chquij ri juwi' tak q'uix.