Andinin-tSoratra Masina malaza indrindra nalaina tao amin'ny मरकुसो 13

Hizara

दंङ गिऊ टोहकठे विशवास लहज़िमी रंङ साते भत्ते मीहच़ी केतंङ साते बैर लोहर; पर अंऊ दुखो अनंत तचेक गिऊ टोहकठे पक्‍का विशवासरिंङ बंङज़ोतो, परमेश्वरे दुह बचाके च़रपोतो।

रेड्रुंई, चेहकी ए प्रार्थना लोहा लोहु; छना कुंई साते ता केहच़ी माञेंनी कि दुह टेम अपेहल अपतो।

अपेहल केतिंङ कोर्टंङ शोर दंङ केहच़ी मुंडा ए चिंद थाह लंहि कि छि कोहनि दंङ केतिंङ दुह ध्याड़ा छि ए कमोर दुह ए केचिह कोनी; छना कुंई साते ता कुट्रा दुह, केरे मा शुह दंङ पवित्र आत्मा शोतो।

सर्ग ए धरती योह्सा योतो, दंङ गिऊ गप्पारे अपेहल योह्सोतो माह।

“पर गिऊ अई फेरा अपिमी पाहठी सही टेम अच़िला माह ञेंई, माह स्वर्गदूताज़ि, माह गेह योह बि, सिर्फ बाहबि दुह ध्याड़ाओ पाहठी पता तोह।

अपेहल केहच़ी लड़ाई, दंङ लड़ाई तु गप्पा थक्पोंई, दंङ था बेओनि; छना कुंई साते ता दी शुहबी ज़रूरी शुह, दंङ दुह ध्याड़ा रिंङ संसारो अंत माह शोतो।

दंङ यीशुज़ि एनोह चेला तु हखा कुंई: छना कुचे ता केहच़ी माञेंनी कि चूंङो मालिक अपेहल अपतो ञोंकले या अधा रातारिंङ या कुकड़ो बाशेक्पिमी टेमारिंङ या मुंजे सरके। दिऊ थल्जी केहच़ी चेहकी तोईनी। झांह शुबी मेस कि दुह अचानक अंज़े दंङ केतिंङ इमरिंङ खमतो। दंङ अंऊ गेह केतंङ साते कुट्रातग, दुह भत्तेतंङ साते कुट्रातग; कि गिऊ अपिमी थल्जी तेयार तोहई।”

छना कुचे इच्च़ा जातिऊ मीहरे ऊई जातिऊ मीहतु खिलाप शोर दंङ इच्च़ा देश ऊई देशो जातिऊ खिलाप शोर अंऊ ला ठाहरीरिंङ भुयोंल शोतो, दंङ अकाल शोतो। दिह ता दुखो शुरुवात शुह। दिह घटना मेच़मीऊ मुंडो टेहषी ठ्रोह शोतो अंऊ मुक्का दोबि कटु जेहकपिमी टेहषी श्वात।”

दंङ संसारो अंत शुहबिमी बे तुई दिह ज़रूरी तोह कि धरतीऊ भत्ते जाति मीहतु बिचंङ गिऊ रूठे खबर सुनाईचि जूंस।”

महस मीहच़ी गिऊ अधिकारो दावा लहच़ी अपोर दंङ कोहर, ‘गेह मसीह शुगाह’ दंङ महस मीहतिंङ धोखा रमोंर।

“केतिंङ खबरदार बंङज़ी जूंस; बैरीर केहतु खिलाप योर दोच़ी केरे पंचायतंङ, कोर्टंङ च़ुमने शोर दंङ केतिंङ यहुदी सभा घरबारंङ तेंङे च़रपोर। गिऊ बज़हज़ि मोह्ड़े-मोह्ड़े रज्ज़ा ए, हाकिम केहतु पुछताछ लोहर। केहच़ी दोतु तुईज़ी गिऊ पाहठी गवाही रमोनी।

छना कुचे ता हप्साड़ भबिष्यद्वाक्ता ए हप्साड़ मसीह खड़े शुहचे योतो, दंङ निशानी ए अद्धभुत कम कमोर अगर शुहचे इलि साते ता अंङषी दुरेह ला बहकाएकि च़रपोर।

“दंङ दुह दुख मुसीबतो थल झांह शोतोह कि, ऐके रोह्की शुहचे योतो, दंङ लचंङ रातारिंङ छंङी लेह बंद लेह च़रपोतो। दंङ सर्गंङ ज़ि करज़े ला दक्पी चुक्सोर, दंङ सर्गो मोह्ड़े शक्ति त्रुलज़ा योर।”