Andinin-tSoratra Masina malaza indrindra nalaina tao amin'ny Salamo 119

Hizara

Fanilon’ny diako ny teninao sy fanazavana ny làlan-kizorako.

Raketiko ato am-poko ny hafatrao mba tsy hanotako aminao.

Raha maninona ny tanora no hadio toetra? Raha mitandrina ny teninao.

Sambatra izay mitandrina ny baikony, ka mitady Azy amin’ny fony manontolo.

Ianao no fiereko sy ampingako; ny teninao no antenaiko.

Ataovy mahira-tsaina aho hanarahako ny lalànanao, sy hitandremako azy amin’ny foko manontolo.

Ampirony amin’ny baikonao ny foko fa tsy amin’ny fitiavan-karena.

Nahasoa ahy ny azom-pahoriana mba hianarako ny lalànanao.

Hany fiononako amin’ny fahoriako izany, satria ny hafatrao no mamelona ahy.

Ampizory amin’ny sori-dàlan’ny didinao aho, satria izany no fahafinaretako.

TOMPO ô, atoroy ahy ny lalànanao ho sori-dàlako mba hanarahako azy hatramin’ny farany.

Patrapatraka ny ranomasoko noho ny alahelo; areno aho araka ny fampanantenànao.

Endrey ny fitiavako ny lalànanao; tontolo andro dia izy no saintsainiko.