Andinin-tSoratra Masina malaza indrindra nalaina tao amin'ny Ohabolana 19

Hizara

Maro ny tetika ao am-pon’ny olona, fa ny fikasan’ny TOMPO ihany no tanteraka.

Izay manome ny mahantra dia mampisambotra ny TOMPO, fa Izy ihany no hanonitra ny soa nataon’ilay mpiantra.

Ny olona hendry mahafehy ny hatezerany, ary voninahitra ho azy ny manadino ny ratsy nozakainy.

Henoy ny torohevitra ary raiso ny anatra mba hahatonga anao ho hendry any aoriana.

Ny fanajana ny TOMPO mitondra ho amin’ny fiainana, fa izany no hananam-piadanana sy tsy hahitan-doza.

Izay mianatra misaina no tia ny tenany ary izay mitandro fahaiza-manavaka no hahita fahasambarana.

Faizo ny zanakao dieny mbola misy fanantenana; nefa aza sendaotra, fandrao mahafaty azy.

Tsy ho afa-maina ny vavolombelona mandainga, ary ho very ny mpamafy lainga.