Andinin-tSoratra Masina malaza indrindra nalaina tao amin'ny Ohabolana 13

Hizara

Izay miaraka amin’ny hendry dia hihahendry; fa izay misakaiza amin’ny adala kosa hiharatsy.

Izay mahafehy ny vavany maharo ny ainy; fa izay basivava mandringan-tena.

Izay tsy mba mikapoka an-janany tsy tia azy; fa izay tia azy kosa tsy misalasala manafay azy.

Ny fanantenana mihemo-dava dia mankarary fo; fa ny firarian-tsoa tanteraka kosa mampahazo aina.

Ny fahamarinana miaro izay mizotra tsy misy tsiny; fa ny faharatsiana kosa mamery ny mpanota.

Ny harena azo amim-pahamaikana dia mihena an-toerana; fa izay manangona izany tsikelikely no mampitombo azy.

Fifandirana no hany ateraky ny avonavona; fa izay mandray torohevitra kosa no misy fahendrena.

Ny olona tsara fanahy mamela lova ho an’ny taranany; fa ny haren’ny mpanota kosa voatahiry ho an’ny olo-marina.

Ny zanaka hendry mihaino ny anatry ny rainy, fa ny zanaka mpaniratsira kosa mandà fitsikerana.

Hahantra sy ho menatra izay mandà fananarana; fa homem-boninahitra kosa izay mandray tsikera.