Andinin-tSoratra Masina malaza indrindra nalaina tao amin'ny Ohabolana 11

Hizara

Hiavosam-panambinana ny olona mpanao soa, ary izay manome rano hosotroina dia ho afa-ketaheta.

Misy izay malala-tanana nefa mitombo harena hatrany; ary misy kahihitra loatra nefa mihamahantra ihany.

Setrin’ny fiavonavonana ny fahafaham-baràka; fa ao amin’ny manetry tena no misy fahendrena.

Ho very ny vahoaka tsy misy mpitondra; fa raha maro mpanolo-tsaina izy no handry feizay.

Ny vokatry ny fahamarinana dia toy ny hazon’aina; ary ny hendry no mahataona olona.

Ny mpanely fanaratsiana no manambara tsiambaratelo; fa ny olo-mahatoky kosa mahay manafin-javatra.

Ny olona tsara fanahy dia manasoa tena; fa ny olona masiaka kosa mampahory tena.

Hihareraka izay mitoky amin’ny hareny, fa ho tahaka ny ravin-kazo maitso kosa no handrobonan’ny olo-marina.

Tsy misy ilana ny harena amin’ny andro fitsarana; fa ny fahamarinana no manafaka amin’ny fahafatesana.

Ny toetra vanona no mitarika ny olo-mahitsy; fa ny haratsiana kosa mandringana ny mpamitaka.

Ny hatsaran-tarehin’ny vehivavy tsy misaina dia toy ny kavim-bolamena eo amin’ny oron-kisoa.

Halan’ny TOMPO ireo mizana mandainga; fa ny lanja marina no tiany.