Andinin-tSoratra Masina malaza indrindra nalaina tao amin'ny Daniela 1

Hizara

Hentitra ny fanapahan-kevitr’i Daniela fa tsy handoto tena amin’izay sakafon’ny mpanjaka na ny divay fisotrony izy; koa nangataka tamin’ny lehiben’ny tandapa izy mba tsy hanery azy handoto tena.

Ireo zatovo efa-dahy ireo dia nomen’Andriamanitra fahaizana amam-pahalalana amin’ny sehatra rehetra momba ny soratra sy ny fahendrena; ary i Daniela nahafantatra ny hevitry ny fahitana sy nofy rehetra.

Ary nataon’Andriamanitra nahazo fitia sy indrafo teo anatrehan’ny lehiben’ny tandapa i Daniela.

Fony nanontany azy zavatra isan-karazany momba ny fahendrena sy fahaiza-manavaka kosa ny mpanjaka, dia nahatsapa fa nihoatra impolo heny noho ny mpanao majika aman-tsikidy rehetra tao amin’ny fanjakany manontolo ireo.