Andinin-tSoratra Masina malaza indrindra nalaina tao amin'ny 1 Jôhany 3

Hizara

Rey anaka, aoka tsy ho tia amin’ny teny tsara lahatra fotsiny isika, fa ho tia amin’ny asa sy araka ny tena marina.

Izao no ahafantarantsika ny fitiavana: i Jesoa Kristy dia nahafoy ny ainy hamonjeny antsika; ary isika koa dia mba tokony hahafoy ny aintsika hamonjena ny namana.

Endrey ity haben’ny fitiavana nasehon’ny Ray ho antsika: fa nantsoina hoe zanak’Andriamanitra isika, sady zanany tokoa! Izao tontolo izao no tsy mahalala antsika, dia noho izy tsy nahalala an’Andriamanitra.

Izay manota dia avy amin’ny devoly, satria ny devoly dia mpanota hatrany am-boalohany. Ary ny anton’ny nisehoan’ilay Zanak’Andriamanitra, dia ny handrava ny asan’ny devoly.

Izay rehetra naterak’Andriamanitra dia tsy manota, satria ilay voa nafafin’Andriamanitra no mitoetra ao anatiny; ary tsy mahay manota izy satria naterak’Andriamanitra.

Na iza na iza manan-karena eto amin’izao tontolo izao, ary mahita ny namany mahantra nefa mihirim-belona tsy mangoraka azy, ahoana no itoeran’ny fitiavan’Andriamanitra ao anatiny?

Izay mitandrina ireo didin’Andriamanitra no mitoetra ao anatin’Andriamanitra ary Andriamanitra kosa ao anatiny; ary ny ahafantarantsika fa mitoetra ao anatintsika Andriamanitra, dia ny Fanahy Masina Izay nomeny antsika.

Izany no mampiavaka miharihary ireo zanak’Andriamanitra amin’ireo olona andevozin’ny devoly. Tsy mba avy amin’Andriamanitra izay rehetra tsy manao ny marina soritany sy izay tsy tia ny namana iray finoana.

Izao manko no hafatra efa renareo hatramin’ny voalohany: aoka isika hifankatia!

Aza gaga, ry havana, raha ankahalain’izao tontolo izao ianareo.