Andinin-tSoratra Masina malaza indrindra nalaina tao amin'ny Yuhana 16

Hizara

Míŋ niŋ bi-i ábɛɛ tɛ, nwɔma ábɛɛ i ɲaanfɛfili kila míŋ gbɛ. Ábɛɛ ɲaanfɛkwulu-i ka juniɲa ka ru, nka á á cunadi, sabu míŋ so kila-i juniɲa ki sun kɔ. »

Niŋ ki ra, Ɲini Sɛlitiŋ ki na waarinŋ wɔ̀ ru, niŋ a na ábɛɛ jɛnpa, ŋì i sɛli ki bataa bi á tɛ, sabu ǹʼwɔ wulu kiri ra na po-ri ǹʼyɛrima ki ru kì. Nka ŋì finŋ woo finŋ nama, ŋì a na ninki bi ábɛɛ tɛ, ŋì i bi naanna kiri bi á tɛ.

Ŋì i na so dɔnsaŋ sun, ábɛɛ finŋ tɔri rafɛ-i míŋ tɔ ki wu sun kì, á ǹʼnafɛ, ŋì a wɔri ábɛɛ tɛ, niŋ ɲaan ki tɛ, ábɔɔ ciirudibi ki a rafaa.

Nka míŋ sɛli ki bi-i ábɛɛ tɛ ńʼtu míŋ tiri ki tɔndi ábɛɛ ra, sabu a míŋ tiri kì, Yentɛtɔnŋ ki a na ábɛɛ tɛ kì. Nka a míŋ tiri, míŋ a ǹʼbo na ábɛɛ tɛ. A niŋ na waarinŋ wɔ̀ ru, ŋì a na ǹʼji juniɲa nu tɔnŋ kiri wu tu kí fɔnimaan ni i bijɛ ki bi ki sun, kí i fɔni telibi ki bi ki sun niŋ fa Kirinŋ wɔ kiti ki bi ki sun sɛbɛ.

Mìŋ ɲaan tenŋ ki tɛ, ábɛɛ yɛrima kiri gbɛɛratɛɛmaan yɛ dɔnsaŋ, nka míŋ a na ábɛɛ ja sɛbɛ, ábɛɛ ciiru ki a na di, koŋ a na so niŋ ciirudibi ki mwu-i ábɛɛ wu kì. A niŋ jibi ki na so, ábɛɛ ra na míŋ nanɔri finŋ tɔri tenŋ bi sun kili kì. Sɛli ki ra, míŋ a ǹʼbi ábɛɛ tɛ, ńʼtu ábɛɛ na finŋ woo finŋ nafɛ míŋ Tiŋ ki gbɛ, míŋ tɔ ki wu, ńʼtu kí a na niŋ wɔri ábɛɛ tɛ.

Sɛli ki ra, míŋ a ǹʼbi ábɛɛ tɛ, ńʼtu ábɛɛ ra na ŋuntan, á i á makwulu wulu bi-ri waarinŋ wɔ̀ ru, juniɲa nu konaŋ kiri ra na arì ciirudi-ri. Ábɛɛ gbɛɛra na tɛɛ, nka ábɔɔ gbɛɛratɛɛ ki a na napwulu ji ciirudibi i.