Andinin-tSoratra Masina malaza indrindra nalaina tao amin'ny Yuhana 12

Hizara

Konwɔtiŋ ji ǹʼtɛ a i baara ma míŋ tɛ, nintiŋ ǹʼpa míŋ cɛfan. Míŋ a ji mani wɔ̀ ru, míŋ tɛ baara matɔnŋ ki ra ji mìŋ mani ki ru. Konwɔtiŋ i baara ma-a míŋ tɛ, Tiŋ ki a baraka de nintiŋ nu. »

Konwɔtiŋ a yɛri ki ɲinita ki bidi a tɛ, nintiŋ a bɔni a ɲinita ki ru, nka konwɔtiŋ a ɲinita ki bi gbɛ a yɛri gbɛ ka juniɲa ka ru kì, nintiŋ a ǹʼmari a jɛŋ ɲaninkulutɔnbi kɔbali ki tɛ.

Yesu tu sɛbɛ : « Sɛli sɛli ki ra, a bilanaŋ ki de fwuniŋ nu, a ǹʼbeeni kì, ǹʼyɔ tu-a tenŋ i, nka ǹʼja ji gbɛ, ǹʼyɔ so-a daŋ mwɔɔnna pa-i.

Míŋ, manisarinŋ ki, míŋ na-i juniɲa nu, nwɔma tu koŋ finŋ woo finŋ bili míŋ na tu nintiŋ fa tu mancinŋ nu kili kì.

A konwɔtiŋ mɔ́ɔ́n wulu ki rama, ntiŋ dumiŋ ǹʼpa kì, mínki a na nintiŋ kiti kì, sabu míŋ na ŋuŋ ki, ŋí i na juniɲa nu konaŋ kiri kiti kì, nka míŋ na-i, nwɔma ŋí i kí mwu.

Niŋ ɲaan ki tɛ, Mariyamu i ŋuŋ kini jii kpaafuru bɛɛ shi, nwɔ̀ ramɔni wuru naari sɛlɛsɛli wu, nmari i Yesu kanŋ kiri ɲinikɔri ǹʼwu, nmari i yìrì sunciriki a ŋununshinŋ ki wu. Niŋ ŋuŋ ki kini ki i fu ki mani ki bataa rapo.

Kí i tamari jirinŋ da ri kwuru pa arì gbɛɛra, kí i po, kí i Yesu ŋununafu. Kí i fali-li, kí i ǹʼbi-ri tu : « Gbɛbi i mɔɔn, minwɔ̀ i na-a Ŋuntiŋ ki tɔ ra, Isirayɛli wɔ Masa, Kirinŋ baraka de nʼnu! »

Yesu i kí rupwulu tu : « Nɔɔri ki ra bili Koŋ Danshuru ki sun waaci wɔ̀ ru, ninki so-i kaa dɔnsaŋ. »