Andinin-tSoratra Masina malaza indrindra nalaina tao amin'ny Лука 17

Hizara

Ӕмӕ йын загъта: «Сыст ӕмӕ ацу, дӕ уырнындзинад дӕ фервӕзын кодта».

Бон авд хатты дӕ тӕригъӕды куы бацӕуа ӕмӕ дӕ бон авд хатты хатыр куы ракура ӕмӕ дын куы зӕгъа: „Фӕсмон кӕнын“, уӕд ын ныххатыр кӕн».

Сӕ иу, кӕй сдзӕбӕх ис, уый куы федта, уӕд фӕстӕмӕ раздӕхти ӕмӕ хъӕлӕсы дзагӕй кад кодта Хуыцауӕн. Йесойы къӕхты раз зӕххыл ныддӕлгом ис ӕмӕ Йын арфӕ кодта. Уыцы лӕг уыди самариаг.

Кӕсут уӕхимӕ! Де ’фсымӕр дӕ тӕригъӕды куы бацӕуа, уӕд ын бауайдзӕф кӕн ӕмӕ, кӕд ӕрфӕсмон кӕна, уӕд ын ныббар.

Уӕд Йесо загъта: «Дӕс адӕймаджы не ссыгъдӕг сты, ӕви? Уӕд иннӕ фараст кӕм сты?

Йесо сын загъта: «Хъыцъыйы нӕмыджы йас уырнындзинад уӕм куы уаид ӕмӕ мӕнӕ ацы тута бӕласӕн афтӕ куы зӕгъиккат, зӕххӕй дӕ уидӕгтӕ срӕдув ӕмӕ дӕхи денджызы ныссадз, зӕгъгӕ, уӕд уӕ коммӕ бакӕсид.

Йӕ цард бахъахъхъӕнын чи фӕлвара, уый йӕ фесафдзӕни; йӕ цард чи фесафа, уый та йӕ бахъахъхъӕндзӕн.

Йесо ма Йӕ ахуыргӕнинӕгтӕн ноджыдӕр загъта: «Ис ӕмӕ кӕддӕриддӕр уыдзӕнис, адӕймаг тӕригъӕды кӕй тыххӕй бацӕуы, ахӕм мондаггӕнӕнтӕ, фӕлӕ сар йӕ сӕр кӕны, тӕригъӕд кӕй аххосӕй ӕрцӕуа, уымӕн. Ацы кӕстӕртӕй иуы дӕр тӕригъӕдыл чи бафтауа, уымӕн фӕлтау ныридӕгӕн йӕ бӕрзӕйыл куыройы фыд куы ӕрцауындзиккой ӕмӕ йӕ денджызы куы баппариккой, уӕд ын хуыздӕр уаид.

Ӕмӕ, Нойы бонты куыд уыдис, афтӕ уыдзӕн, Адӕймаджы Фырт куы ’рцӕуа, уӕд дӕр. Адӕм хордтой, нуӕзтой, устытӕ хастой ӕмӕ цыдысты моймӕ, цалынмӕ Ной наумӕ нӕ бахызт ӕмӕ доныхъаймӕт се ’ппӕты дӕр нӕ фесӕфта, уӕдмӕ.