Andinin-tSoratra Masina malaza indrindra nalaina tao amin'ny लूका 7

Hizara

तबेकमारे मै तुहिन्हे कहतुँ, यकर कर्लक बहुत्ते पाप माफ होगिल बतिस। काकरेकी यी जन्नी महिन्हे बहुत्ते माया करल। पर जेकर थोरचे पाप माफ हुइल बा, ऊ थोरचे माया करत।” और येशू उ जन्नीहे कलाँ, “तोहाँर पाप माफ होगिल बा।”

येशू उ जन्नीहे कलाँ, “परमेश्वर तुहिन्हे बँचालेहल बताँ। काकरेकी तुँ मोरिकमे विश्वास कर्ले बतो, शान्तिसे जाऊ।”

और हुँकार गोरा थेन ठरह्याके रुई लागल, और अपन आँसेलेके हुँकार गोराहे भिजाई लागल। और अपन कपारिक भुट्लालेके हुँकार गोराहे पोँछे लागल। और येशूक गोरामे चुम्मा खाके बहुमूल्य महँकना तेल घाँसे लागल।

मै अपनहे फेन अप्निक थेन अइना लायकके नै मन्नु। पर वचन कहिदी और मोरिक नोकर चोखाजाई। काकरेकी मै फेन अख्तियारके तरे बैठुइया मनैया हुइतुँ, मोरिक अधिनमे सिपाहिन बताँ। मै एकथोहे ‘जा’ कथुँ, तब् ऊ जाइत, और दोसुरहे ‘आजा’ कथुँ तब् ऊ आइत। मोरिक नोकरहे ‘यी कर’ कथुँ और ऊ करत।” ओकर यी बात सुनके येशू उहिसे अचम्मित होगिलाँ, और घुमके अपन पाछे अइना भीड़हे कलाँ, “मै तुहुरिन्हे कहतुँ, पूरा इजरायल देशमे एकथो फेन असिन मनैया मै नै भेटैनु, जे यी दोसुर जातिक मनैयक हस मोरिकमे भरोसा करत।”

वहे बेला येशू बहुत्ते जहन रोग, बेथा और भूत्वनसे छुटैलाँ, और बहुत्ते आँधर मनैनहे देख्नाहाँ बनैलाँ। तब् येशू ओइन्हे कलाँ, “जाऊ और तुहुरे ज्या देख्लो और ज्या सुन्लो जाके यूहन्नाहे बतादेऊ; आँधर मनै देख्नाहाँ हुइथाँ और नागर मनै नेंग्थाँ। कोढ़ लागल मनै चोखागिल बताँ। बहिर मनै सुने सेक्नाहाँ हुइल बताँ, मुअल मनै जित्ती होके उठल बताँ, और गरीबनहे खुशीक खबर प्रचार कराजाइता।”