Andinin-tSoratra Masina malaza indrindra nalaina tao amin'ny लूका 17

Hizara

तब येशू ऊ सामरी आदमीके कहैल्कै, “उठ् आर आपन रस्ता जो। विश्वास करैके कारणसे तुहें ठीक भेल्हैं छे।”

अगर तोर संगी विश्वासी दिनमे सातबेर तोर विरोधमे पाप कर्तौ आर सातबेर तोरलगत वापस घुमिके ऊ माफी माँगैछौ यी कहिके कि ऊ पाप करैले छोडिके परमेश्वरके तरफ मन घुमैल्कै छे ते, तुहें ओकरा माफ करि दिहैं।”

ओकरसिमेसे एकझन अपने आपके ठीक भेल देखल्कै, आर बडका आवाजमे परमेश्वरके महिमा कर्ते येशूके लगत वापस ऐलै। तब ऊ येशूके पैरीमे गोड लागिके धन्यवाद देल्कै। ऊ घुमिके आबेवाला आदमी एकटा सामरी आदमी रहै।

सावधान र कि तुहें कि करैछैं। तोर संगी विश्वासी पाप करैछौ ते ओकरा सम्झा। अगर ऊ पाप करैले छोडिके परमेश्वरके तरफ मन लगाबैछै ते तुहें ओकरा माफ कर।

तब येशू पुछल्कै, “कि ठीक भेल दशटा आदमी नैरहै? आरहौ नटा आदमी कते छै?

प्रभु येशू कहैल्कै, “तोरसिमे रायके दाना बराबर भी विश्वास छौ ते तुहेंसब यी तुतके गाछके ‘उखडीके समुन्दरमे रोप्ल जो’ कहभैं ते ऊ मान्तौ।”

जे यी धर्तीपर आपन जीवन बचाबैके कोशिश कर्तै, ऊसब सच्चा जीवन नैपाबे सक्तै। मगर तुहेंसब जे हमर कारण आपन जीवन दैछैं, सच्चा जीवन पैभैं।

येशू आपन चेलासिके कहैल्कै, “पाप करैले लगाबेवाला परीक्षासब निश्चय आबैछै, मगर ऊ आदमीके भयानक हैतै जकरद्वारा परीक्षा आबैछै। अगर कोय ऊ आदमीके जे हमरापर विश्वास करैछै, ओकर विश्वासमे ठोकरके कारण बनैछै, भला ही ऊ यी बच्चाके जुगुर है, यी ओकर लिए बढियाँ हैतै कि ओकर घैंचमे एकटा भारी पत्थल बान्हल जै आर ओकरा डुबैके लिए समुन्दरमे फेकि देल जै।

आपनसिके पुर्खा नूहके समयमे जेरं भेलै रहे, हमे, आदमीके बेटाके समयमे भी ओहिने हैतै। नूह जहाजके भितर नैजैतक आदमीसब खैते रहै, पिते रहै, बिहाशादी कर्ते रहै। तखनिहैं जलप्रलय ऐलै, आर सभैके नाश कैल्कै।